• 107
• Aug 31, 2026

சட்டமன்றத்தில் 3 முக்கிய அறிவிப்புகள் – முதல்வர் விஜய்.

சட்டமன்றத்தில் விதி எண் 110-ன் கீழ் முதல்வர் விஜய் 3 முக்கிய அறிவிப்புகளை வெளியிட்டார்.

 அன்னபூர்ணி சூப்பர் சிக்ஸ் திட்டம்.

அன்னபூர்ணி சூப்பர் சிக்ஸ் திட்டத்தின் கீழ், முதற்கட்டமாக பொங்கல் முதல் ஆண்டுக்கு 3 விலையில்லா சமையல் எரிவாயு சிலிண்டர்கள் வழங்கப்படும் என அறிவிக்கப்பட்டுள்ளது.

ஆண்டு வருமானம் ரூ.2.5 லட்சத்திற்குள் உள்ள பொருளாதாரத்தில் பின்தங்கிய குடும்பங்கள், சிறு மற்றும் குறு விவசாய குடும்பங்கள், மாற்றுத் திறனாளிகள் உள்ள குடும்பங்கள் மற்றும் நலிந்த குடும்பங்கள் இந்தத் திட்டத்தின் மூலம் பயன்பெறுவார்கள்.

 பரந்தூர் விமான நிலையத் திட்டம் கைவிடப்படுகிறது.

பரந்தூரில் புதிய விமான நிலையம் அமைக்கும் திட்டம் கைவிடப்படும் என அறிவிக்கப்பட்டுள்ளது.

புதிய விமான நிலையம் அமைப்பதற்காக சில மாற்று இடங்கள் தேர்வு செய்யப்பட்டுள்ளதாகவும், அதில் ஒரு இடம் விரைவில் இறுதி செய்யப்படும் என்றும் தெரிவிக்கப்பட்டுள்ளது.

அதேநேரத்தில், மீனம்பாக்கம் விமான நிலையம் மேலும் விரிவாக்கம் செய்யப்படும் என அறிவிக்கப்பட்டுள்ளது.

 'வெற்றிப் பயணம்' – பெண்களுக்கு விரிவுபடுத்தப்படும் இலவசப் பேருந்துப் பயணம்

மகளிர் கட்டணமில்லாப் பயணத் திட்டம் 'வெற்றிப் பயணம்' என்ற பெயரில் அக்.2, காந்தி ஜெயந்தி முதல் தமிழகம் முழுவதும் விரிவுபடுத்தப்படும் என அறிவிக்கப்பட்டுள்ளது.

முதற்கட்டமாக மாநகரம் மற்றும் நகரப் பகுதிகளில் இயக்கப்படும் Express, LSS, Deluxe அரசுப் பேருந்துகளிலும் பெண்கள் கட்டணமின்றி பயணிக்கலாம்.

மாவட்டங்களுக்கு இடையே பயணம் செய்யும் வகையில் புறநகர் (Mofussil) மற்றும் மலைப்பகுதிகளில் இயக்கப்படும் சாதாரணக் கட்டண அரசுப் பேருந்துகளிலும் பெண்களுக்கு இலவசப் பயணம் வழங்கப்படும்.

இந்தத் திட்டத்தில்:

• வருமான உச்சவரம்பு கிடையாது.
• பயணங்களின் எண்ணிக்கைக்கு கட்டுப்பாடு இல்லை.
• திருநங்கைகளும் கட்டணமின்றி பயணம் செய்யலாம்.
• இதற்காக அரசுக்கு ஆண்டுக்கு சுமார் ₹6,000 கோடி கூடுதல் செலவு ஏற்படும் என அறிவிக்கப்பட்டுள்ளது.

சட்டமன்றத்தில் விதி எண் 110-ன் கீழ் முதல்வர் விஜய் அறிவிப்பு