25 YEARS OF EXCELLENCE
Weather: -
Thursday Nov 05, 2026
03:40:43pm
Weather: -
Thursday Nov 05, 2026
03:40:43pm
ஒரு காலத்தில் தீபாவளி பண்டிகை என்றாலே குறைந்தது ஐந்து முதல் பத்து திரைப்படங்களாவது திரைக்கு வரும். ஆனால், கடந்த சில ஆண்டுகளாக அந்த அளவுக்குப் படங்கள் வெளியாவதில்லை.இந்த ஆண்டு தீபாவளியை முன்னிட்டு நேரடித் தமிழ்ப் படங்களாக சூர்யா நடித்துள்ள 'சீன்', நயன்தாரா நடித்துள்ள 'மூக்குத்தி அம்மன் 2' ஆகிய திரைப்படங்கள் நவம்பர் 6ஆம் தேதி வெளியாகின்றன.இதுதவிர, ரன்பீர் கபூர், சாய் பல்லவி நடிப்பில் இந்தியில் உருவாகி, பான்-வேர்ல்டு திரைப்படமாக வெளியாகும் 'ராமாயணா' திரைப்படம் நவம்பர் 5ஆம் தேதி தமிழிலும் திரைக்கு வருகிறது.குறைவான எண்ணிக்கையிலான படங்களே வெளியாகும் நிலையில், இந்தத் தீபாவளி திரைப்படங்கள் ரசிகர்களிடையே எந்த அளவுக்கு வரவேற்பைப் பெறுகின்றன என்பதைப் பொறுத்திருந்து பார்க்கலாம்.
மகேஷ் பாபு, பிரியங்கா சோப்ரா, பிரித்விராஜ் ஆகியோர் முதன்மை வேடங்களில் நடிக்கும் 'வாரணாசி' படம் பிரம்மாண்டமாகத் தயாராகிறது. இதன் இயக்குநர் ராஜமவுலி அளித்த பேட்டியில், “'ஆர்ஆர்ஆர்' படத்தைவிட ஆறு மடங்கு பிரம்மாண்டமாக இந்தப் படம் உருவாகிறது. 'ஆர்ஆர்ஆர்' படத்தை 315 நாட்கள் படமாக்கினோம். இதை 275 நாட்களில் முடித்தோம். உலகம் முழுவதிலும் உள்ள ரசிகர்கள் ரசிக்கும் விதமாக இப்படம் தயாராகிறது. அதற்கான பணிகள் நடைபெற்று வருகின்றன” என்றார்.
தனுஷ், மம்முட்டி, சாய் பல்லவி, ஸ்ரீலீலா நடித்துள்ள 'ஓம்' திரைப்படம் நவம்பர் 20-ல் ரிலீஸாகிறது. படம் பற்றி இயக்குநர் ராஜ்குமார் பெரியசாமி கூறுகையில், "இப்படி ஒரு வேடத்தில் தனுஷ் இதற்கு முன் நடித்ததில்லை. இந்த படத்தில் பல கிளைக்கதைகள் இருக்கின்றன. ஒரு குறிப்பிட்ட காரணத்திற்காக அனைத்துக் கதாபாத்திரங்களும் ஒருவரை ஒருவர் சந்திக்கின்றன. 'ஓம்' வெறும் கேங்ஸ்டர் படம் மட்டுமல்ல, உணர்வுப்பூர்வமான திரைப்படமும் கூட. ஓம் சாப்டர் 1 மற்றும் சாப்டர் 2-க்கு இடையே எந்த தொடர்பும் இல்லை" என்றார்.
நடிகர் அர்ஜுன் தாஸ் முதன்முறையாக காவல் அதிகாரியாக நடித்திருக்கும் படம் 'ஜான் டோ'. மதுமிதா இயக்கியுள்ள இப்படத்தில் சஞ்சனா நடராஜன், சிருஷ்டி ஆகியோர் நாயகிகளாக நடித்துள்ளனர். முஜீப் மஜீத் இசையமைத்துள்ள இப்படம் வரும் நவம்பர் 13-ஆம் தேதி திரைக்கு வரும் என அறிவிக்கப்பட்டுள்ளது.
'டோரதி' படத்தில் நடித்ததற்காகக் கிடைத்த பாராட்டுங்களால் நெகிழ்ச்சியடைந்துள்ள நடிகர் சனந்த் வெளியிட்டுள்ள அறிக்கையில், "15 ஆண்டுகள், ஆயிரம் கனவுகள், போராட்டங்கள்... ஒரு நடிகனாக என்னை ஏற்றுக்கொண்டதற்கு நன்றி. ரசிகர்கள் தந்த ஆசீர்வாதங்கள், இதயப்பூர்வமான அரவணைப்புகள், கண்களில் கசியும் கண்ணீர்—இதுதான் எனக்குக் கிடைத்த மிகப்பெரிய விருது. இது ஒரு ஆரம்பம்தான்! இன்னும் சுவாரஸ்யமான, சிறப்பான சினிமாவை நோக்கிப் பயணிப்பேன்" எனக் குறிப்பிட்டுள்ளார்.
சைபர் குற்றங்களைத் தடுக்கும் வகையில் 'கிளிக்' என்ற திட்டத்தை கேரள அரசு முன்னெடுத்துள்ளது. இதன் சிறப்பு நிகழ்ச்சியில் பங்கேற்ற நடிகர் மம்முட்டியை, சைபர் செக்யூரிட்டி கேப்டனாக கேரள காவல்துறை நியமித்துள்ளது. இதுபற்றி பேசிய மம்முட்டி, "இணையம் என்பது அணு ஆயுதம் போன்றது. அதை நல்லதற்கும் பயன்படுத்தலாம், தீயதற்கும் பயன்படுத்தலாம். குழந்தைகளுக்குச் சும்மா ஸ்மார்ட்போன்களைக் கொடுப்பதைத் தவிர்த்து, தொழில்நுட்பத்தைச் சரியாகப் பயன்படுத்தக் கற்றுக் கொடுக்க வேண்டும்" என்றார்.
ராஜ்மோகன் இயக்கத்தில், யோகி பாபு நாயகனாக நடித்துள்ள படம் 'அர்ஜுனன் பேர் பத்து'. இது யோகி பாபுவின் 300-வது திரைப்படமாகும். இப்படத்தில் அனாமிகா மஹி கதாநாயகியாக அறிமுகமாகிறார். நடுத்தர வர்க்கத்தைச் சேர்ந்த ஓர் இளைஞனின் சரக்கு வாகனம் தொலைந்து போகிறது. இதன் பின்னணியில் நடக்கும் மோசடிதான் படத்தின் கதைக் களம். படப்பிடிப்பு முடிந்து பின்னணிப் பணிகள் தீவிரமாக நடந்து வரும் நிலையில், படம் நவம்பர் 27-ல் ரிலீஸாகும் என அறிவிக்கப்பட்டுள்ளது.
வரவிருக்கும் தீபாவளிப் பண்டிகையை முன்னிட்டு முன்னணி நட்சத்திரங்களின் திரைப்படங்கள் அடுத்த வாரம் வெளியாகவுள்ளன.இதனால், இந்த வார இடைவெளியைப் பயன்படுத்தி அக்டோபர்30 அன்று சிறிய மற்றும் சுவாரஸ்யமான திரைப்படங்கள் திரைக்கு வருகின்றன. அதன்படி,"காதல் போதை, பனி விழும் இரவு, நள்ளிரவு ராஜா அழைப்பு, ராஜா வருகிறேன் உனக்காக, சிங்காரம், எனிமி ஆஃப் தி ஸ்மக்லர்" ஆகிய 6 படங்கள் அக்டோபர் 30 அன்று வெளியாக உள்ளதாக அறிவிக்கப்பட்டுள்ளன.இந்த வார ரிலீஸ்களையும் சேர்த்தால், நடப்பு ஆண்டில் (2026) இதுவரை திரைக்கு வந்த தமிழ் திரைப்படங்களின் மொத்த எண்ணிக்கை 180-ஐக் கடந்துவிடும் என்பது குறிப்பிடத்தக்கது.
சுந்தர் சி இயக்கத்தில் நயன்தாரா, ரெஜினா, துனியா விஜய் உள்ளிட்டோர் நடித்துள்ள படம் 'மூக்குத்தி அம்மன் 2'. தற்போது இதன் டிரைலர், 'வேர்ல்டு ஆப் மகாசக்தி' என்ற பெயரில் வெளியாகியுள்ளது. இதில் நயன்தாரா பயந்த சுபாவம் கொண்ட பெண் போலீஸ் மற்றும் அம்மன் என இருவேறு பரிமாணங்களில் நடித்துள்ளார். ரெஜினா மற்றும் துனியா விஜய் ஆகியோர் தீய சக்திகளாக வில்லத்தனமான வேடங்களில் நடித்துள்ளனர். நிகழ்காலம் மற்றும் சரித்திரம் கலந்த படமாக உருவாகியுள்ள இப்படம், தீபாவளியை முன்னிட்டு நவம்பர் 6ல் ரிலீஸாகிறது.இப்படத்திற்காக சென்னையில் உள்ள வேல்ஸ் தியேட்டரில் நயன்தாராவுக்கு 60 அடி உயர கட்அவுட் வைக்கப்பட்டுள்ளது. தமிழில் ஒரு நடிகைக்கு இவ்வளவு பெரிய கட்அவுட் வைப்பது இதுவே முதல் முறை எனக் கூறப்படுகிறது. இப்படத்தில் ரெஜினா கசாண்ட்ரா, துனியா விஜய், ஊர்வசி, யோகி பாபு உள்ளிட்டோர் நடித்துள்ளனர்.
மலையாளத்தில் செப்டம்பர் 11ல் பார்வதி நடித்த 'பிரதம திருஷ்த்ய குற்றக்கார்' படம் ரிலீஸானது. முதல் முறையாக அவர் போலீஸ் அதிகாரியாக நடித்த இப்படம் வரவேற்பைப் பெற்றது. ஓடிடியிலும் அக்டோபர் 9ல் வெளியானது. ஒன்றரை மாதத்திற்குப் பிறகு தமிழில் டப் செய்து 'பி.டி.கே' என்ற பெயரில் இப்படத்தை ரிலீஸ் செய்கின்றனர்.
