25 YEARS OF EXCELLENCE
Weather: -
Thursday Nov 05, 2026
03:54:59pm
Weather: -
Thursday Nov 05, 2026
03:54:59pm
அசோக் செல்வன், பிரீத்தி முகுந்தன் நடித்துள்ள படம் ‘அன்பில் அவன்’. கார்த்திகேயன் இயக்குகிறார்.இப்படம் குறித்து அசோக் செல்வன் கூறுகையில், “சினிமா மாறிவிட்டது. கதையைவிட அதைச் சொல்லும் ஸ்டைல் முக்கியமாகிவிட்டது. இது பெண்களைப் பற்றியோ, அவர்கள் சந்திக்கும் கஷ்டங்களைப் பற்றியோ பேசும் படம் அல்ல. இதில் ஏராளமான மாஸ் மொமென்ட்ஸ் இருக்கின்றன. காதல், புத்திசாலியை முட்டாளாக்கும்; சாதாரணமானவனை சாதனையாளராக்கும். இதைப் பிரதிபலிக்கும் வகையில் இப்படத்தின் திரைக்கதை அமைக்கப்பட்டுள்ளது” என்றார்
நவீன் இயக்கத்தில் 2013-ம் ஆண்டு வெளியான ‘மூடர் கூடம்’ திரைப்படத்திற்கு ரசிகர்கள் மத்தியில் நல்ல வரவேற்பு கிடைத்தது. சென்ட்ராயன், ஓவியா, ஜெயபிரகாஷ் உள்ளிட்டோர் நடித்திருந்த இப்படத்தின் இரண்டாம் பாகம் தற்போது 13 ஆண்டுகளுக்குப் பிறகு உருவாகிறது.‘மூடர் கூடம் 2’ படத்தை நவீனே இயக்கி, முக்கிய கதாபாத்திரத்திலும் நடிக்கிறார். முதல் பாகத்தில் நடித்த சில நடிகர்களும் இரண்டாம் பாகத்தில் தொடர்கின்றனர். படத்தின் முதல்பார்வை வெளியாகியுள்ள நிலையில், டார்க் காமெடி, பேண்டஸி மற்றும் ஆக்ஷன் அம்சங்கள் கலந்த படமாக இது உருவாகி வருவதாக நவீன் தெரிவித்துள்ளார்.
நடிகர் விஷால் இயக்குநராக அறிமுகமாகும் திரைப்படம் ‘மகுடம்’. இப்படத்தில் விஷாலே கதாநாயகனாகவும் நடிக்கிறார். அஞ்சலி, துஷாரா விஜயன் உள்ளிட்டோர் முக்கிய கதாபாத்திரங்களில் நடித்துள்ளனர். அதிரடி ஆக்ஷன் கதைக்களத்தில் உருவாகியுள்ள இப்படத்தின் டிரைலர் ஆகஸ்ட் 7-ம் தேதியும், திரைப்படம் ஆகஸ்ட் 14-ம் தேதியும் வெளியாகும் என அறிவிக்கப்பட்டுள்ளது.முதலில் இப்படத்தை ரவி அரசு இயக்கி வந்தார். சில காரணங்களால் அவர் படத்திலிருந்து விலகியதைத் தொடர்ந்து, விஷால் இயக்குநர் பொறுப்பையும் ஏற்றுக்கொண்டார்.
நிதேஷ் திவாரி இயக்கத்தில் ரன்பீர் கபூர், சாய் பல்லவி, யஷ் உள்ளிட்டோர் நடிப்பில் பிரம்மாண்டமாக உருவாகி வரும் திரைப்படம் ‘ராமாயணா’. இப்படம் நவம்பர் 6-ம் தேதி வெளியாகும் என அறிவிக்கப்பட்டுள்ளது.சமீபத்தில் வெளியான இப்படத்தின் டிரைலர், பல்வேறு சமூக வலைதளங்களில் இணைந்து 100 கோடி பார்வைகளை கடந்துள்ளதாக படக்குழு தெரிவித்துள்ளது. உலகம் முழுவதும் 50 ஆயிரத்துக்கும் அதிகமான திரையரங்குகளில் இப்படத்தை வெளியிடத் திட்டமிடப்பட்டுள்ளதாக கூறப்படுகிறது.
டாம் ஹாலண்ட் நடிப்பில் ஜூலை மாத இறுதியில் வெளியான ஹாலிவுட் திரைப்படம் ‘ஸ்பைடர்மேன்: பிராண்ட் நியூ டே’. இந்திய ரசிகர்களிடையே நல்ல வரவேற்பைப் பெற்றுள்ள இப்படம், 11 நாட்களில் ரூ.500 கோடிக்கும் அதிகமாக வசூலித்து புதிய சாதனை படைத்துள்ளதாக தகவல்கள் தெரிவிக்கின்றன.இதன் மூலம் இந்தியாவில் அதிக வசூல் செய்த ஹாலிவுட் படமாக ‘ஸ்பைடர்மேன்: பிராண்ட் நியூ டே’ முதலிடத்தை பிடித்துள்ளது. இதற்கு முன்பு 2022-ம் ஆண்டு வெளியான ‘அவதார்: தி வே ஆஃப் வாட்டர்’ ரூ.490 கோடி வசூலுடன் முதலிடத்தில் இருந்தது.
2026-ம் ஆண்டின் சுதந்திர தினம் ஆகஸ்ட் 15-ம் தேதி சனிக்கிழமை வருகிறது. பொதுவாக சுதந்திர தினத்தை ஒட்டி முன்னணி நடிகர்களின் பல திரைப்படங்கள் வெளியாகும்.ஆனால் இந்த ஆண்டு சுதந்திர தினத்தை முன்னிட்டு ஆகஸ்ட் 14-ம் தேதி சூர்யா நடிக்கும் ‘விஸ்வநாத் அண்ட் சன்ஸ்’ மற்றும் விஷால் நடிக்கும் ‘மகுடம்’ ஆகிய இரண்டு திரைப்படங்கள் மட்டுமே வெளியாக உள்ளன
கீது மோகன்தாஸ் இயக்கத்தில் யஷ், நயன்தாரா, கியாரா அத்வானி உள்ளிட்டோர் நடித்துள்ள திரைப்படம் ‘டாக்சிக்’. இப்படத்தின் டிரைலர் சனிக்கிழமை ஒரே நேரத்தில் 5 மொழிகளில் வெளியானது.வெளியான 24 மணி நேரத்தில் அனைத்து மொழிகளிலும் சேர்த்து 52.8 மில்லியன் பார்வைகளை டிரைலர் பெற்றுள்ளது. குறிப்பாக இந்தி பதிப்பு 24 மில்லியன் பார்வைகளுடன் முன்னிலையில் உள்ளது. கன்னடம் மற்றும் தமிழ் பதிப்புகள் தலா 11 மில்லியன் பார்வைகளையும், தெலுங்கு 10 மில்லியன் பார்வைகளையும், மலையாளம் 4 மில்லியன் பார்வைகளையும் பெற்றுள்ளன.யஷ் நடிப்பில் முன்பு வெளியான ‘கே.ஜி.எஃப்’ டிரைலர் 106 மில்லியன் பார்வைகளை பெற்றிருந்த நிலையில், ‘டாக்சிக்’ டிரைலர் அதைவிட குறைவான பார்வைகளை பெற்றுள்ளது.
மாதத்திற்கு ஒரு நாளாவது மொபைல் போன்களை பயன்படுத்தாமல் 'டிஜிட்டல் விரதம்' இருக்க வேண்டும் என்று நடிகர் சமுத்திரக்கனி மாணவர்களுக்கு அறிவுரை வழங்கியுள்ளார். இது மனநலத்தையும், உடல்நலத்தையும் மேம்படுத்த உதவும் என்றும் அவர் தெரிவித்துள்ளார்.
.'ஜனநாயகன்' ரிலீஸால் இரு வாரங்களாக படங்கள் வெளி யீடு 'டல்' அடித்தது. ஆகஸ்ட் துவங்கி உள்ள நிலையில் ஆக., 7ல் மாதவனின் 'ஜிடி என்', லோகேஷ் கனகராஜின் 'டிசி' ஆகிய டங்களுடன் புதுமுகங்கள் நடித்துள்ள போட்டோகிராபர், வைப் பேங்க் ஆப் இந்தியா' ஆகிய4 படங்கள் ரிலீஸ் என அறிவித்துள்ளனர்.இந்தியாவில் ரூ.330 கோடி வசூலைக் கடந்த 'ஸ்பைடர்மேன்'டாம் ஹாலண்ட் நடிப்பில் கடந்தவாரம் வெளியான 'ஸ்பை டர்மேன் பிராண்ட் நியூ டே' படம் வசூலை வாரிக் குவிக்கிறது. இந்தியாவில் மட்டும் ஐந்து நாட்களில் ரூ.330 கோடியும், உலகளவில் ரூ.8800 கோடி வசூ லையும் குவித்துள்ளது. ரூ.2000 கோடி பட்ஜெட்டில் தயா ரான இப்படம் தற்போது வரை அதைவிட 4 மடங்கு வசூலை ஈட்டி உள்ளது..
ஆண்ட்ரூ லூயிஸ் இயக்கத்தில் சசிகுமார் போலீஸ் அதிகாரியாக நடித்துள்ள வதந்தி 2 வெப் சீரிஸ் ஆகஸ்ட் 7-ஆம் தேதி வெளியாகிறது. இதன் அறிமுக விழாவில் பேசிய சசிகுமார், "முதன்முறையாக இந்த வெப் சீரிஸில் போலீஸ் கதாபாத்திரத்தில் நடித்துள்ளேன். அதே நேரத்தில் நீண்ட தாடியுடன் தோன்றுகிறேன். அதற்கான காரணம் கதையில் விளக்கப்பட்டுள்ளது. நடிப்பதே என் வேலை; அரசியலுக்கு வரும் எண்ணம் இல்லை. வெப் சீரிஸில் நடிப்பது திரைப்படங்களை விட அதிக உழைப்பை கோருகிறது. ஐந்து மணி நேரத்திற்கும் மேலான உள்ளடக்கம் என்பதால் படப்பிடிப்பும் அதற்கேற்ப நடைபெறுகிறது. இந்தக் கதாபாத்திரத்துக்குப் பிறகு மேலும் பல போலீஸ் வேடங்கள் கிடைக்கும் என நம்புகிறேன்" என்றார்.
