25 YEARS OF EXCELLENCE
Weather: -
Thursday Nov 05, 2026
03:40:33pm
Weather: -
Thursday Nov 05, 2026
03:40:33pm
‘ஐந்து பெற்றால் அரசனும் ஆண்டி’என்பதன் உண்மையான பொருள் .அது ஐந்து பெண் குழந்தைகள் என்று பொருள் அல்ல,உண்மையில்,ஆடம்பரத்தில் வாழும் தாய்,பொறுப்பில்லாத தந்தை,ஒழுக்கமற்ற மனைவி,துரோகம் செய்யும் உடன்பிறந்தோர்,சொல் கேளாத பிள்ளைகள்...இந்த ஐந்தும் ஒருவனின் வாழ்க்கையில் இருந்தால், அவன் அரசனாக இருந்தாலும்,அவன் வாழ்க்கை அழிவை நோக்கிச் செல்லும் என்பதுதான் அந்தப் பழமொழியின் கருத்து.
பிள்ளையார பிடிக்கப்போயி கொரங்க பிடித்த கதையாயிடுச்சி.களிமண்ணில் பிள்ளையார் சிலை செய்ய எண்ணி நம் கைகளால் பிடித்துச் செய்து பார்த்தால் சில நேரங்களில் அது குரங்குபோல் இருப்பதுண்டு. நாம் செய்ய நினைத்ததோ பிள்ளையார் சிலை. ஆனால், இறுதியில் கிடைத்ததோ குரங்குச் சிலை. இதைப்போலதான் வாழ்க்கையிலும், நல்லது செய்ய எண்ணி ஒரு செயலைச் செய்தால் கடைசியில் அது தீயதாக வந்து முடிகிறது.
ஏரியிலோ அல்லது குட்டைகளிலோ மீன் பிடிக்கும்போது பத்து பதினைந்து பேர் இறங்கி நாலா புறமும் நடந்து நீரை குழப்பிவிடுவார்கள். குட்டை குழம்பியுள்ளதால் மீன்கள் திக்கு தெரியாமல் எளிதாக வளைகளில் மாட்டிக்கொள்ளும் அதுபோல, ஒருசிலர் நம்மை இல்லாதது பொல்லாதது கூறி நம்மைக் குழப்பி அதனால் ஆதாயம் தேடுவார்கள்.
ஆறின கஞ்சி பழங் கஞ்சி - காலத்தின் முக்கியத்துவம். மண் குதிரையை நம்பி ஆற்றில் இறங்கலாமா? - போலியைக் கண்டு ஏமாறக் கூடாது.
. மின்னுவதொல்லாம் பொன்னல்ல .கவர்ச்சியானவை எல்லாம் நல்லவை அல்ல சூடு கண்ட பூனை அடுப்பங்கரையை நாடாது.அனுபவம் ஆபத்து வராமல் தடுக்கும்.
ஒன்று பட்டால் உண்டு வாழ்வு. - ஒற்றுமையின் பலம். வெள்ளம் வருமுன் அணை கட்ட வேண்டும். - முன்னேற்பாடு.
எட்டாக் கனிக்கு கொட்டாவி விடாதே. - கிடைக்காத ஒன்றிற்காக ஏங்குதல். அளவுக்கு மிஞ்சினால் அமுதமும் நஞ்சு . - எல்லை மீறினால் எதுவும் தீமை பயக்கும்.
ஆடையில்லா மனிதன் அரை மனிதன். - உடையின் மகிமை ஊருடன் பகைக்கின் வேருடன் கெடும். - பகை அழிவைத் தரும்.
அழுத பிள்ளை பால்குடிக்கும். - முயற்சி செய்தவர் பயன் பெறுவர். விளையும் பயிரை முளையிலே தெரியும். - இளமையில் எதிர்காலம் புலப்படும்.
அடாது செய்தவன் படாது படுவான்.கேடு செய்பவர் துன்பம் அனுபவிப்பார்.……..அணை கடந்த வெள்ளம் அழுதாலும் வாராது.அணையைக் கடந்து வெள்ளம் சென்று விட்டால், மறுபடியும் அந்த வெள்ளம் அதே அணைக்கு திரும்ப முடியாது..அதேபோல, நாம் தவறவிடும் வாய்ப்புகள் திரும்ப கிடைக்காது.அதனால் கிடைக்கும் வாய்ப்புகளை தவறவிடாமல் பயன்படுத்திக் கொள்ள வேண்டும்.
