பெண்கள் ஆசிய கோப்பை டி20: வங்கதேசத்தை வீழ்த்திய இலங்கை.
துபாய் சர்வதேச கிரிக்கெட் மைதானத்தில் பெண்களுக்கான ஆசிய கோப்பை டி20 கிரிக்கெட் தொடர் நடைபெற்று வருகிறது. நேற்று நடைபெற்ற ‘பி’ பிரிவு லீக் ஆட்டத்தில் இலங்கை மற்றும் வங்கதேச அணிகள் மோதின.
‘டாஸ்’ வென்ற இலங்கை கேப்டன் சமாரி அத்தபத்து, முதலில் பந்துவீச்சை தேர்வு செய்தார்.
முதலில் பேட்டிங் செய்த வங்கதேச அணி, 20 ஓவர்களில் 8 விக்கெட்டுகளை இழந்து 114 ரன்கள் எடுத்தது. பின்னர் 115 ரன்கள் என்ற இலக்கை துரத்திய இலங்கை அணி, 19.2 ஓவர்களில் 6 விக்கெட்டுகளை இழந்து 115 ரன்கள் எடுத்து வெற்றி பெற்றது.
இந்த வெற்றியின் மூலம் லீக் சுற்றில் 3 வெற்றிகளுடன் 6 புள்ளிகளைப் பெற்ற இலங்கை அணி, அரையிறுதிக்கு முன்னேறியது.
0
Leave a Reply