சென்னை ஓபன் டென்னிஸ்: இந்திய ஜோடி காலிறுதிக்கு முன்னேற்றம்.
சென்னை ஓபன் டென்னிஸ் இரட்டையர் பிரிவில் இந்தியாவின் மாயா ரேவதி, ஸ்ரீவள்ளி ராஷ்மிகா ஜோடி காலிறுதிக்கு முன்னேறியது.
சென்னையில் பெண்களுக்கான டபிள்யூ.டி.ஏ. 250 அந்தஸ்து பெற்ற சென்னை ஓபன் டென்னிஸ் தொடர் நடைபெற்று வருகிறது. இரட்டையர் பிரிவு முதல் சுற்றில் இந்தியாவின் மாயா ரேவதி, ஸ்ரீவள்ளி ராஷ்மிகா ஜோடி, செக் குடியரசின் அனெடா குக்மோவா, லபவுட்கோவா ஜோடியை எதிர்கொண்டது.
இதில் முதல் செட்டை 6-3 என்றும், இரண்டாவது செட்டை 6-2 என்றும் கைப்பற்றிய இந்திய ஜோடி, 6-3, 6-2 என்ற நேர் செட் கணக்கில் வெற்றி பெற்றது. ஒரு மணி நேரம் 10 நிமிடங்கள் நடைபெற்ற இந்தப் போட்டியில் வெற்றி பெற்றதன் மூலம் இந்திய ஜோடி காலிறுதிக்குள் நுழைந்தது.
0
Leave a Reply