ஜூனியர் ஆசிய கோப்பை ஹாக்கி: பைனலுக்கு முன்னேறியது இந்தியா.
ஜூனியர் ஆசிய கோப்பை ஹாக்கி தொடரின் பைனலுக்கு இந்திய அணி முன்னேறியது. நேற்று நடந்த அரையிறுதியில் மலேசியாவை 3-1 என்ற கோல் கணக்கில் வீழ்த்தியது.
சீனாவில், ஜூனியர் ஆசிய கோப்பை ஹாக்கி (20 வயதுக்குட்பட்டோர்) தொடரின் 10-வது சீசன் நடக்கிறது. ஆண்கள் பிரிவில் 10 அணிகள் பங்கேற்கின்றன. நடப்பு சாம்பியனான இந்திய அணி, ‘ஏ’ பிரிவில் இடம் பெற்றது.
லீக் சுற்றில் பங்கேற்ற 4 போட்டிகளில் 3 வெற்றி, ஒரு ‘டிரா’ என 10 புள்ளிகள் பெற்ற இந்தியா, பட்டியலில் முதலிடம் பிடித்து அரையிறுதிக்கு முன்னேறியது.
நேற்று நடந்த அரையிறுதியில், ‘பி’ பிரிவில் இரண்டாவது இடம் பிடித்த மலேசியாவை எதிர்கொண்டது. இதில் இந்திய அணி 3-1 என்ற கோல் கணக்கில் வெற்றி பெற்று பைனலுக்கு முன்னேறியது.
நாளை நடைபெற உள்ள பைனலில் இந்தியா, தென் கொரிய அணியை எதிர்கொள்கிறது.
0
Leave a Reply