சீனாவுக்கு எதிரான ஆட்டத்தில் இந்தியா ‘டிரா’.
நெதர்லாந்தின் ஆம்ஸ்டல்வீன் நகரில் நடைபெற்ற பெண்கள் ஹாக்கி ‘டி’ பிரிவு லீக் ஆட்டத்தில் இந்தியா–சீனா அணிகள் மோதின.
ஆட்டத்தின் 8-வது நிமிடத்தில் சக வீராங்கனை நேஹா வழங்கிய ‘பாஸ்’ மூலம் இந்தியாவின் நவ்னீத் கவுர் கோல் அடித்தார். இதற்கு 15-வது நிமிடத்தில் கிடைத்த ‘பெனால்டி ஸ்டிரோக்’ வாய்ப்பை பயன்படுத்தி சீனாவின் ஜாங் யிங் கோல் அடித்து பதிலடி கொடுத்தார்.
இதையடுத்து 25-வது நிமிடத்தில் இந்தியாவுக்கு கிடைத்த ‘பெனால்டி கார்னர்’ வாய்ப்பில் தீபிகா கோல் அடித்தார். இதனால் முதல் பாதி முடிவில் இந்தியா 2-1 என முன்னிலை பெற்றது.
இரண்டாவது பாதியில் 39-வது நிமிடத்தில் சீனாவின் மா நிங் ‘பெனால்டி கார்னர்’ வாய்ப்பை கோலாக மாற்றினார். இதனால் ஆட்டம் 2-2 என்ற கோல் கணக்கில் டிராவில் முடிந்தது.
0
Leave a Reply