செஸ் ஒலிம்பியாட்: இந்தியாவுக்கு ‘ஹாட்ரிக்’ வெற்றி.
உஸ்பெகிஸ்தானில் 46-வது செஸ் ஒலிம்பியாட் போட்டிகள் நடைபெற்று வருகின்றன. ஓபன் பிரிவில் 3-வது சுற்றில் நடப்பு சாம்பியனான இந்தியா, இத்தாலி அணியை எதிர்கொண்டது.
இந்தியாவின் குகேஷ் (கருப்பு காய்கள்), 33-வது நகர்த்தலில் இத்தாலியின் சபினோ புருனெல்லோவை (வெள்ளை காய்கள்) வீழ்த்தினார். மற்றொரு போட்டியில் இந்தியாவின் நிஹால் சரின் (வெள்ளை காய்கள்), 40-வது நகர்த்தலில் இத்தாலி வீரர் பிரான்செஸ்கோ சோனிசை (கருப்பு காய்கள்) தோற்கடித்தார்.
இந்தியாவின் பிரக்ஞானந்தா, அர்ஜுன் எரிகைசி ஆகியோர் தங்களது போட்டிகளை ‘டிரா’ செய்தனர். முடிவில் இந்திய அணி 3-1 என்ற கணக்கில் வெற்றி பெற்று, தொடர்ச்சியாக 3-வது வெற்றியைப் பதிவு செய்தது.
பெண்கள் பிரிவின் 3-வது சுற்றில் நடப்பு சாம்பியனான இந்தியா, கிரீஸ் அணியை எதிர்கொண்டது. இதில் இந்தியாவின் கொனேரு ஹம்பி (வெள்ளை காய்கள்), 46-வது நகர்த்தலில் கிரீஸ் வீராங்கனை ஸ்டாவ்ரூலாவை (கருப்பு காய்கள்) வீழ்த்தினார்.
மற்ற இந்திய வீராங்கனைகளான வந்திகா அகர்வால், சவிதா ஸ்ரீ ஆகியோரும் வெற்றி பெற்றனர். இந்தியாவின் திவ்யா தேஷ்முக் தனது போட்டியை ‘டிரா’ செய்தார். முடிவில் இந்திய அணி 3.5-0.5 என்ற கணக்கில் வெற்றி பெற்று, ‘ஹாட்ரிக்’ வெற்றியைப் பதிவு செய்தது.
0
Leave a Reply