தெலுங்கு பட சூப்பர் ஸ்டார் சிரஞ்சீவி கின்னஸ் சாதனை புத்தகத்தில் இடம் பிடித்துள்ளார்.
கடந்த 45 ஆண்டுகளில் தான் நடித்த 156 படங்களில் இடம்பெற்ற 537 பாடல்களில் 24 ஆயிரத்துக்கும் மேற்பட்ட நடன அசைவுகளை நிகழ்த்தியதற்காக, கின்னஸ் சாதனை விருது அவருக்கு வழங்கப்பட்டு உள்ளது. இதற்காக ஐதராபாத்தில் நடந்த நிகழ்ச்சியில் இந்தி நடிகர் அமீர்கான் கலந்து கொண்டு சிரஞ்சீவிக்கு கின்னஸ் சாதனை விருது சான்றிதழை வழங்கினார். அவர் பேசும்போது நான் சிரஞ்சீவியின் ரசிகன். அவர் எல்லா பாடல்களிலுமே திறமையாக ஆடி இருப்பார். கஷ்டமான நடன அசைவுகளில் கூட எளிதாக ஆடிவிடுகிறார். அதுதான் அவரது தனித்துவமான திறமை என்றார். I
சிரஞ்சீவி பேசும்போது எனது திரையுலக வாழ்க்கையில், நடனம் முக்கிய அங்கமாக இருந்தது. நடிப்பைவிட நடனத்தில் தான் அதிக ஆர்வம் இருந்தது. கின்னஸில் இடம்பிடித்தது பெரிய கவுரவம் என்றார். சிரஞ்சீவி 1978-ல் “புனாதிரல்லு ”என்ற தெலுங்கு படம் மூலம் அறிமுகமானார். தெலுங்கு தாண்டி தமிழ், இந்தி, கன்னட படங்களிலும் நடித்து இருக்கிறார்.
0
Leave a Reply