பாரா ஆசிய விளையாட்டுப் போட்டி: இந்திய அணியில் 166 வீரர், வீராங்கனைகள்!
ஜப்பானின் நகோயா நகரில் நடைபெறவுள்ள 5-வது பாரா ஆசிய விளையாட்டுப் போட்டியில் பங்கேற்கும் இந்திய அணியில் 166 வீரர், வீராங்கனைகள் இடம்பிடித்துள்ளனர்.
மாற்றுத்திறனாளிகளுக்கான இந்தப் போட்டி அக்டோபர் 18 முதல் 24-ஆம் தேதி வரை நடைபெற உள்ளது. இதில் பங்கேற்க மொத்தம் 275 பேர் கொண்ட இந்திய அணிக்கு மத்திய விளையாட்டு அமைச்சகம் அனுமதி அளித்துள்ளது.
இந்த அணியில் வீரர்கள், வீராங்கனைகளுடன் பயிற்சியாளர்கள், உதவிப் பயிற்சியாளர்கள் மற்றும் அணியின் பிற அதிகாரிகளும் இடம்பெற்றுள்ளனர். இந்தியா மொத்தம் 10 விளையாட்டுகளில் பங்கேற்கிறது.
இதில் தடகளப் பிரிவில் அதிகபட்சமாக 98 பேர் இடம்பெற்றுள்ளனர். இவர்களில் 46 வீரர்கள், 16 வீராங்கனைகள் மற்றும் 36 உதவிப் பணியாளர்கள் அடங்குவர்.
இந்திய வீரர், வீராங்கனைகள் சிறப்பாகச் செயல்பட்டு நாட்டுக்குப் பதக்கங்களை வென்று தருவார்கள் என்ற எதிர்பார்ப்பு ரசிகர்களிடையே அதிகரித்துள்ளது.
0
Leave a Reply