வாழைப்பழ கோதுமை மாவு அப்பம்.
தேவையான பொருட்கள்:
கோதுமை மாவு - 1 கப்,
பேக்கிங் சோடா-சிட்டிகை (விருப்பம்),
நன்கு பழுத்த வாழைப்பழம் - 2,
தண்ணீர்-தேவையான அளவு,
வெல்லம் - 1/2 கப்,
சிறிய துண்டுகளாக நறுக்கிய தேங்காய் -2 டேபிள்ஸ்பூன்,
ஏலக்காய் - 3,
நெய் -1 டீஸ்பூன் (தேங்காய் வறுக்க),
சிட்டிகை உப்பு,
நெய் அல்லது எண்ணெய் -அப்பம் சுட தேவையான அளவு.
செய்முறை:
மிக்ஸி ஜாரில் வாழைப்பழம், கோதுமை மாவு, வெல்லம், ஏலக்காய், உப்பு மற்றும் தேவையான அளவு தண்ணீர் சேர்த்து நன்றாக அரைத்துக் கொள்ளவும்.
அரைத்த மாவை ஒரு பாத்திரத்தில் (Bowl) ஊற்றிக் கொள்ளவும்ஒரு வாணலியில் நெய் சேர்த்து, சிறிய துண்டுகளாக நறுக்கிய தேங்காயை லேசாக பொன்னிறமாக வறுத்து, மாவில் சேர்த்து நன்றாக கலக்கவும்.
விருப்பப்பட்டால் சிட்டிகை பேக்கிங் சோடா சேர்த்து 10-15 நிமிடங்கள் ஓய்வெடுக்க விடவும். அப்பம் கல் அல்லது பணியாரக்கல்லை சூடாக்கி, சிறிதளவு நெய் அல்லது எண்ணெய் தடவவும். மாவை ஊற்றி இருபுறுமும் பொன்னிறமாக வேக வைத்து எடுக்கவும்.
குறிப்பு:
வாழைப்பழம் நன்கு பழுத்ததாக இருந்தால் அப்பம் மிகவும் மென்மையாகவும், இயற்கையான இனிப்புடனும் சுவையாகவும் இருக்கும். வறுத்த தேங்காய் துண்டுகளை சேர்ப்பதால் அப்பம் இன்னும் சுவையாகவும், ஒவ்வொரு கடியிலும் அருமையான மொறுமொறு உணர்வுடனும் இருக்கும்.சுவையான & சத்தான அப்பம்.
0
Leave a Reply