முதுமையில் ஏன் அடிக்கடி கீழே விழுந்து விடுகிறார்கள்?
வயதுஆக ஆக உடலைச் சரிசமமான முறையில் வைத்துக்கொள்ள உதவும் உறுப்புகளின் திறன் கொஞ்சம் கொஞ்சமாகக் குறைந்துகொண்டே வருகிறது. உடலைச் சரியான நிலையில் வைத்துக்கொள்வதற்கு உள்காது, சிறுமூளை, கண், சதைகள் மற்றும் மூட்டுகள் அனைத்தும் ஒருங்கிணைந்து செயல்பட வேண்டும். இந்த ஒருங்கிணைப்பில் ஏதேனும் குறைபாடு ஏற்பட்டால் நிலைத்தடுமாறிக் கீழே விழ வாய்ப்பு உண்டு. இம்மாற்றம் முதுமையில் அதிகம் ஏற்படுவதால் முதுமைக் காலத்தில் அடிக்கடிக் கீழே விழுந்து விடுகிறார்கள்.
வயதான காலத்தில் கீழே விழுவதற்குப் பல காரணங்கள் உண்டு.
நரம்பு சார்ந்த நோய்கள் (உ.ம்: அறிவுத்திறன் வீழ்ச்சி, உதறுவாதம், பக்கவாதம்)
காது சார்ந்த நோய்கள்.
கண் பார்வைக் குறைதல் (உ.ம்: கண் புரை)
மூட்டுவலி மற்றும் சதைகள் சார்ந்த நோய்கள்
ரத்த அழுத்தத்தில் மாற்றம் ஏற்படுவது. அதாவது, ஒருவர் படுத்த நிலையில் இருக்கும்போது, ரத்த அழுத்தம் சரியாக இருக்கும். ஆனால், திடீரென்று எழுந்து நடக்க ஆரம்பிக்கும்போது, ரத்த அழுத்தம் வேகமாகக் குறைந்துவிடுகிறது (Postural hypotension). இதனால் கீழே விழ வாய்ப்புகள் அதிகமாகின்றன.
0
Leave a Reply