அரியலுாரை சேர்ந்த ஷர்வானிகா உலக 'கேடட்' செஸ், சாம்பியன்ஷிப்பில், 'தங்கம்' வென்றார்.
வளர்ந்து வரும் நட்சத்திரங்களுக்கான உலக 'கேடட்' சாம்பியன்ஷிப் தொடர் கஜகஸ்தானின் அல்மாட்டியில் சர்வதேசசெஸ் கூட்டமைப்பு சார்பில் ஓபன், பெண்கள், 12, 10 வயது உட்பட 6 பிரிவுகளில் போட்டிகள் நடந்தன. 88 நாடுகளில் இருந்து 842 பேர் பங்கேற்றனர்.
இந்தியாவின் ஷர்வானிகா, கியானா, திவி உள்ளிட்டோர் 10 வயதுக்குட்பட்ட பெண்கள் பிரிவில் பங்கேற்றனர். தமிழகத்தின் அரியலுாரை சேர்ந்த ஷர்வானிகா, தொடர்ந்து 9 போட்டியில் வெற்றி பெற்றார். கடைசி போட்டியில் தோற்ற போதும் 9.0 புள்ளி பெற்றார். மங்கோலியாவின் சின்ஜோரிக், சீனாவின் ஜிஜின் தலா 9.0 புள்ளி பெற்றனர்.டை பிரேக்கர்' புள்ளியில் முந்திய ஷர்வானிகா, முதலிடத்தை உறுதி செய்து சாம்பியன் ஆனார். கடந்த 2024 ல் அல்பேனியாவில் நடந்த உலக 'கேடட்' தொடரில் ரேபிட் பிரிவில் தங்கம், 'பிளிட்ஸ்' பிரிவில் வெள்ளி வென்றிருந்தார்.
இந்தியா வின் சர்பர்தோ மணி, 8.5 புள்ளி எடுத்து, 10 வயதுகுட்பட்ட ஓபன் பிரிவில் மூன்றாவது இடம் பிடித்து வெண்கலம் வென்றார்.
0
Leave a Reply