25 YEARS OF EXCELLENCE
Weather: -
Tuesday Aug 25, 2026
09:44:35pm
Weather: -
Tuesday Aug 25, 2026
09:44:35pm
தேசிய சின்னம் அறிவிக்கப்பட்ட ஆண்டு. 1.தேசிய கீதம் - ஜன கன மன கன - (1950) 2.தேசிய பாடல் - வந்தே மாதரம் - (1950) 3.தேசிய சின்னம் - அசோகச் சக்கரம் - (1950) 4.தேசியக்கொடி - மூவர்ணக் கொடி - (1947) 5.தேசிய காலண்டர் - சக வருடம் - (1957) 6.தேசிய விலங்கு – புலி - (1973) 7.தேசிய நதி – கங்கை - (2008) 8.தேசிய பறவை – மயில் -(1963) 9.தேசிய மலர் –தாமரை - (1950) 10.தேசிய மரம் – ஆலமரம் - (1950) 11.தேசிய கனி – மாம்பழம் - (1950) 12.பாரம்பரிய விலங்கு – யானை- (2010) 13.நாணய சின்னம் - ரூபாய் சின்னம் - (2010) 14.தேசிய நுண்ணுயிரி ( லாக்டோ பேசில்லஸ் ) - (2012)
அமெரிக்க ராணுவத்தின் புகழ்பெற்ற Command and General Staff College-ல் நடைபெற்ற 10 மாத தலைமைத்துவப் பயிற்சியில் இந்திய ராணுவ மேஜர் பிரபாத் மிஷ்ரா சிறப்பான சாதனை படைத்துள்ளார்.92 நாடுகளைச் சேர்ந்த ராணுவ அதிகாரிகள் பங்கேற்ற இந்தப் பயிற்சியில், அவர் இரண்டு முக்கிய கல்வி விருதுகளை வென்று இந்தியாவுக்கு பெருமை சேர்த்துள்ளார்.சிறந்த ஆய்வுக் கட்டுரைக்கான விருது சிறந்த தலைமைத்துவத் திறனுக்கான விருது இந்த இரட்டை கவுரவம் இந்திய ராணுவத்தின் திறமையை சர்வதேச அளவில் மீண்டும் நிரூபித்துள்ளது.
மத்திய பாதுகாப்பு ஆராய்ச்சி மற்றும் மேம்பாட்டு அமைப்பு (DRDO), இந்திய விமானப்படை மற்றும் அதானி டிபென்ஸ் & ஏரோஸ்பேஸ் இணைந்து உருவாக்கிய புதிய ரேடார் அமைப்பு, 500 கிலோமீட்டர் தொலைவில் வரும் ஏவுகணைகள் மற்றும் போர் விமானங்களை துல்லியமாக கண்டறியும் திறன் கொண்டதாக தெரிவிக்கப்பட்டுள்ளது. இந்தியாவின் வான் பாதுகாப்பு திறனை மேலும் வலுப்படுத்தும் தொழில்நுட்பமாக இது பார்க்கப்படுகிறது.
கோடை வெயிலால் ஐஸ்கிரீம் மற்றும் குளிர்பானங்களின் விற்பனை அதிகரித்துள்ள நிலையில், கலப்படத்தைத் தடுக்க தமிழ்நாடு உணவுப் பாதுகாப்புத் துறை தீவிர நடவடிக்கையில் இறங்கியுள்ளது. தயாரிப்பு நிறுவனங்களில் தொடர் ஆய்வுகள் நடத்த அதிகாரிகளுக்கு உத்தரவிடப்பட்டுள்ளதுடன், விதிமுறைகளை மீறும் நிறுவனங்கள் மீது கடுமையான நடவடிக்கை எடுக்கப்படும் என்றும் எச்சரிக்கப்பட்டுள்ளது.
உத்தரபிரதேசத்தின் மாதோபட்டி கிராமம் , இந்தியாவின் "IAS கிராமம்" என்று அழைக்கப்படுகிறது. வெறும் 75 வீடுகள் மட்டுமே உள்ள இந்த கிராமத்தில் இருந்து இதுவரை சுமார் 51 IAS மற்றும் IPS அதிகாரிகள் உருவாகியுள்ளனர். கல்விக்கு முக்கியத்துவம் அளிக்கும் இந்த கிராமம் நாடு முழுவதும் கவனம் பெற்றுள்ளது.
மனித மூளையின் தகவல் சேமிப்புத் திறன் சுமார் 2.5 பெட்டாபைட் என மதிப்பிடப்படுகிறது. இது சுமார் 30 லட்சம் மணி நேர வீடியோக்களை சேமிக்கும் திறனுக்கு இணையானது. தகவல்களை நினைவில் வைத்திருக்கும் மனித மூளையின் திறன், அறிவியல் உலகையே வியக்க வைக்கிறது.
வாகனங்களுக்கான புகை மாசு கட்டுப்பாட்டு (PUC) சான்றிதழ் பெறும் நடைமுறையில் புதிய மாற்றம் அமல்படுத்தப்பட்டுள்ளது. இனி, RC புத்தகத்துடன் ஆதாரில் இணைக்கப்பட்டுள்ள மொபைல் எண்ணுக்கு வரும் OTP-யை உறுதிப்படுத்திய பிறகே சான்றிதழ் வழங்கப்படும். RC-யில் மொபைல் எண் பதிவு செய்யப்படவில்லை என்றால், Parivahan இணையதளம் அல்லது RTO அலுவலகம் மூலம் அதை புதுப்பிக்க வேண்டும்.
நிதி ஆயோக் கூட்டத்தில் பேசிய தமிழக முதல்வர் விஜய், தேசிய கல்விக் கொள்கை (NEP) அல்லது மும்மொழிக் கொள்கையுடன் தொடர்புபடுத்தாமல், தமிழகத்துக்கான நிலுவை ரூ.3,284 கோடி கல்வி நிதியை உடனடியாக விடுவிக்க மத்திய அரசை வலியுறுத்தினார்.கல்வி அரசியலமைப்புச் சார்ந்த பொறுப்பு என்பதால், கொள்கை காரணங்களுக்காக நிதியை நிறுத்தக் கூடாது என்றார். மேலும், இருமொழிக் கொள்கையில் தமிழகத்தின் உறுதிப்பாட்டை மீண்டும் வலியுறுத்திய அவர், நிதி கூட்டாட்சி, தென் மாநிலங்களுக்கு நியாயமான நிதி ஒதுக்கீடு, திருக்குறளை தேசிய இலக்கியமாக அறிவித்தல் மற்றும் இலங்கை, பாகிஸ்தானில் உள்ள தமிழக மீனவர்களை பாதுகாப்பாக மீட்க நடவடிக்கை எடுக்கவும் கோரிக்கை வைத்தார்.
தமிழகத்தைச் சேர்ந்த ஆர்.ஜி. சந்திரமோகன், கல்லூரிப் படிப்பை பாதியில் நிறுத்தியவர். மாதம் ரூ.65 சம்பளத்தில் வேலை செய்த அவர், குடும்ப நிலத்தை விற்று கிடைத்த ரூ.13,000 முதலீட்டில் 1970-ல் 'அருண்' ஐஸ்கிரீம் தொழிலை தொடங்கினார்.பின்னர் பால், தயிர், வெண்ணெய், நெய் உள்ளிட்ட பால்வளப் பொருட்களிலும் விரிவாக்கம் செய்து, ஹட்சன் அக்ரோ ப்ராடக்ட்ஸ் நிறுவனத்தை இந்தியாவின் மிகப்பெரிய தனியார் பால்வள நிறுவனங்களில் ஒன்றாக வளர்த்தார்.தற்போது இந்நிறுவனத்தின் சந்தை மதிப்பு ரூ.20,000 கோடிக்கும் மேல் உள்ளது. ஆர்.ஜி. சந்திரமோகனின் தனிப்பட்ட சொத்து மதிப்பு 1.6 பில்லியன் டாலர் என மதிப்பிடப்பட்டுள்ளது. சிறிய தொடக்கமும் விடாமுயற்சியும் இருந்தால் மிகப்பெரிய வெற்றியை அடைய முடியும் என்பதற்கு அவரது வாழ்க்கை சிறந்த எடுத்துக்காட்டாக திகழ்கிறது.
உத்தரப் பிரதேசத்தைச் சேர்ந்த ஹர்ஷிதா அரோரா, 15 வயதில் பள்ளிப் படிப்பை நிறுத்தி, சுயமாக நிரலாக்கம் கற்று தொழில்முனைவோராக மாறினார். முதலில் உருவாக்கிய செயலி ஆப்பிளின் கவனத்தை ஈர்த்து வெற்றி பெற்றது.பின்னர் அமெரிக்க லாரி போக்குவரத்து துறைக்கான நிதிசார் சேவைகளை வழங்கும் AtoB நிறுவனத்தை தொடங்கி, அதை 800 மில்லியன் டாலர் (சுமார் ரூ.7,600 கோடி) மதிப்புள்ள நிறுவனமாக வளர்த்தார்.24 வயதில், உலகப் புகழ்பெற்ற ஸ்டார்ட்அப் அமைப்பான Y Combinator-இன் இளம் வயது General Partner ஆக தேர்வானது அவரது சாதனையில் மேலும் ஒரு மைல் கல்லாக அமைந்துள்ளது.
