25 YEARS OF EXCELLENCE
Weather: -
Friday Nov 06, 2026
05:27:23pm
Weather: -
Friday Nov 06, 2026
05:27:23pm
தென் மண்டல கவுன்சில் கூட்டத்தில், முல்லைப் பெரியாற்றில் புதிய அணை அமைக்க கேரளம் சில நிபந்தனைகளுடன் தயாராக இருப்பதாகக் கூறப்பட்டுள்ளது.புதிய அணைக்கான முழுச் செலவையும் கேரளம் ஏற்கும்.அணையின் வடிவமைப்பு மற்றும் கட்டுமானத்தை தமிழ்நாடு தீர்மானிக்கலாம்.புதிய அணையில் கிடைக்கும் நீர் தமிழ்நாட்டுக்கு வழங்கப்படும் என தெரிவிக்கப்பட்டுள்ளது.
தமிழ்நாட்டில் பெட்ரோல் பங்குகளில் UPI, Google Pay உள்ளிட்ட டிஜிட்டல் பணப் பரிவர்த்தனைகளை நிறுத்துவது குறித்து பெட்ரோலிய வணிகர் சங்கம் முடிவு செய்துள்ளதாக தகவல் வெளியாகியுள்ளது.‘மணி மியூல்’ மோசடி விவகாரத்தின் தாக்கத்தால் டிஜிட்டல் பணப்பரிவர்த்தனைகளில் பாதுகாப்பு சிக்கல்கள் ஏற்பட்டுள்ளதாக வணிகர்கள் தரப்பில் தெரிவிக்கப்பட்டுள்ளது.
IVERMECTIN MELT IN MOUTH TABLETS 10 mg.நியோமெக் ( NEOMEC ).(கால்நடை மருத்துவம்)நாய் முடிக்கு ஒரே முடிவு....புழு தொல்லையை கட்டுப்படுத்தும்.தோல் ஆரோக்கியத்கை மேம்படுத்தும்.புழு தொற்று மற்றும் உள் பராசைட்டுகளை கட்டுப்படுத்தும்.நாயின் உடல் நலத்தை பாதுகாக்கும்.
2025-26 நிதியாண்டில் இந்தியாவின் மென்பொருள் சேவைகள் ஏற்றுமதி 8.2% உயர்ந்து ரூ.21.03 லட்சம் கோடியாக அதிகரித்துள்ளதாக ரிசர்வ் வங்கி அறிக்கை தெரிவித்துள்ளது. இதில் அமெரிக்கா 54.1% பங்களிப்புடன் முக்கிய சந்தையாகவும், ஐரோப்பிய நாடுகள் 31.8% பங்களிப்புடன் அடுத்த முக்கிய சந்தையாகவும் உள்ளன.
மத்திய அரசு புதிய தொலைத்தொடர்பு நுகர்வோர் பாதுகாப்பு விதிமுறைகளை அறிமுகப்படுத்தியுள்ளது. இனி 30 நாள் செல்லுபடியாகும் ரீசார்ஜ் திட்டங்கள் கிடைக்கும். இதனால் மாதாந்திர ரீசார்ஜை ஆண்டுக்கு 13 முறை செய்ய வேண்டிய நிலை குறைந்து, 12 முறை ரீசார்ஜ் செய்தால் போதுமானதாக இருக்கும். மேலும், டேட்டா தேவையில்லாதவர்களுக்கு Voice Call மற்றும் SMS மட்டும் கொண்ட திட்டங்களும் கிடைக்கும்.
15 வயதுக்குட்பட்ட குழந்தைகளுக்கு வழங்கப்படும் 36 பக்க பாஸ்போர்ட்டின் செல்லுபடிக் காலம் 5 ஆண்டுகள் அல்லது குழந்தை 18 வயதை அடையும் வரை என நிர்ணயிக்கப்படும் என தெரிவிக்கப்பட்டுள்ளது. இதில் எது முதலில் வருகிறதோ அதன்படி செல்லுபடியாகும் காலம் முடிவடையும்.
சூலூர் விமானப்படைத் தளத்திற்கு அருகே சுமார் 200 ஏக்கரில் Aerospace மற்றும் Defence தொழிற்பூங்கா அமைக்க தமிழ்நாடு அரசு நடவடிக்கை மேற்கொண்டு வருவதாக தகவல் வெளியாகியுள்ளது. விமான பராமரிப்பு, பழுதுபார்ப்பு, உதிரிபாக உற்பத்தி, பொறியியல் மற்றும் ஆராய்ச்சி உள்ளிட்ட வசதிகள் இங்கு அமைய உள்ளதாக கூறப்படுகிறது.
1945-ஆம் ஆண்டு அமெரிக்காவின் கொலராடோ மாநிலத்தில் நடந்த ஒரு சம்பவம் உலகையே வியப்பில் ஆழ்த்தியது.இறைச்சிக்காக வெட்டப்பட்ட ஒரு சேவலின் தலை துண்டிக்கப்பட்ட பிறகும் அது உயிருடன் இருந்தது. பின்னர் 'மைக்' என்று பெயரிடப்பட்ட அந்த சேவலை விஞ்ஞானிகள் ஆய்வு செய்தபோது, அதன் மூளைத்தண்டு சேதமடையாமல் இருந்ததால் சுவாசம், இதயத் துடிப்பு உள்ளிட்ட முக்கிய செயல்பாடுகள் தொடர்ந்தது தெரியவந்தது.திரவ உணவு அளிக்கப்பட்ட அந்த சேவல் 18 மாதங்கள் உயிருடன் வாழ்ந்தது. இன்றும் அதன் நினைவாக கொலராடோவில் ஆண்டுதோறும் 'ஹெட்லெஸ் சிக்கன் ஃபெஸ்டிவல்' கொண்டாடப்படுகிறது.
சிவகங்கை மாவட்டம் நெற்குப்பையில் ந.பழ. குடும்பத்தினர் கடந்த 175 ஆண்டுகளாக ராமாயண ஏடு வாசிக்கும் பாரம்பரியத்தை தொடர்ந்து வருகின்றனர்.சைவம், தமிழை போற்றும் நகரத்தார் சமூகத்தினர், வைணவத்தைப் போற்றும் வகையில் புரட்டாசி மாதத்தில் வீடுகளில் ராமாயண ஏடு வாசிக்கும் வழக்கத்தைக் கடைப்பிடித்து வருகின்றனர். அந்த வகையில் நெற்குப்பை இரணிகோயில் ந.பழ. குடும்பத்தினர் 1850-ம் ஆண்டு முதல் இந்த பாரம்பரியத்தை தொடர்ந்து வருகின்றனர்.குடும்பத்தைச் சேர்ந்த நல்லகருப்பன் செட்டியாருக்கு ஏற்பட்ட பார்வைக் குறைபாடு நீங்க வேண்டி ராமாயண ஏடு வாசிப்பதாக வேண்டிக்கொண்டதாகவும், பின்னர் பார்வைக் குறைபாடு சரியானதாகவும் கூறப்படுகிறது. இதையடுத்து பனை ஓலையில் ராமாயணத்தை எழுதி, ஆண்டுதோறும் வாசிக்கும் வழக்கம் தொடங்கியது.ஒவ்வொரு ஆண்டும் புரட்டாசி சனிக்கிழமையில் தொடங்கும் ஏடு வாசிப்பு, அடுத்த சனிக்கிழமையில் நிறைவு பெறுகிறது. பழமையான ஓலைச்சுவடியை பாதுகாக்கும் வகையில், 1980-ல் அதன் உள்ளடக்கம் கையெழுத்துப் பிரதியாக மாற்றப்பட்டு, தற்போது அதையே வாசித்து வருகின்றனர்.ஆறு தலைமுறைகளாக தொடரும் இந்த பாரம்பரியம், ஒவ்வொரு புரட்டாசியிலும் குடும்பத்தினரிடையே மகிழ்ச்சியையும் ஒற்றுமையையும் ஏற்படுத்துவதாக குடும்பத்தினர் தெரிவித்தனர்.
94987 94987 என்ற எண்ணில் புகார் தெரிவிக்கலாம்தமிழகத்தில் மின்சார சேவை தொடர்பான புகார்களை பொதுமக்கள் எளிதாக பதிவு செய்து, அவற்றை விரைவாக சம்பந்தப்பட்ட அதிகாரிகளிடம் கொண்டு சேர்க்கும் வகையில், மின்வாரியம் சார்பில் ‘வாட்ஸ் அப் டி.என்.இ.பி. சாட்பாட்’ என்ற புதிய வசதி தொடங்கப்பட்டுள்ளது.தமிழகத்தில் பொதுமக்களுக்கு தடையற்ற மற்றும் சீரான மின்சாரம் வழங்குவதற்காக மின்வாரியம் பல்வேறு நடவடிக்கைகளை மேற்கொண்டு வருகிறது. மேலும், மின்சார விநியோகம் உள்ளிட்ட சேவைகள் தொடர்பான புகார்களை எளிதாக பதிவு செய்வதற்கான வசதிகளும் ஏற்படுத்தப்பட்டு வருகின்றன.இதன் அடுத்தகட்டமாக, மின்சார சேவைகள் குறித்த புகார்களை விரைவாகப் பெற்று, அவற்றை சம்பந்தப்பட்ட அதிகாரிகளிடம் காலதாமதமின்றி கொண்டு சேர்த்து, உரிய காலத்தில் தீர்வு காணும் வகையில், 24 மணி நேரமும் செயல்படும் ‘டி.என்.இ.பி. சாட்பாட்’ வசதி அறிமுகப்படுத்தப்பட்டுள்ளது.இந்த சேவையைப் பயன்படுத்த, பொதுமக்கள் தங்களது வாட்ஸ் அப் செயலியில்94987 94987 என்ற எண்ணை பதிவு செய்து, அதில் ‘Hi’ என குறுந்தகவல் அனுப்ப வேண்டும்.அதன்பின்னர், மொபைல் போன் எண் அல்லது மின் இணைப்பு எண்ணின் மூலம் புகார் தொடர்பான விவரங்கள் பெறப்பட்டு, சம்பந்தப்பட்ட அலுவலருக்கு உடனடியாக அனுப்பப்படும். தொடர்ந்து, புகாரை சரிசெய்வதற்கான நடவடிக்கைகள் மேற்கொள்ளப்படும்.இந்த புதிய வசதியின் மூலம் பொதுமக்கள் மின்சார சேவைகள் தொடர்பான புகார்களைஎளிதாகவும், விரைவாகவும் பதிவு செய்து, உரிய தீர்வைப் பெறலாம் என மின்வாரியம் தெரிவித்துள்ளது.
