25 YEARS OF EXCELLENCE
Weather: -
Thursday Nov 05, 2026
04:00:43am
Weather: -
Thursday Nov 05, 2026
04:00:43am
காலநிலை மாற்றத்தின் தாக்கம் நாளுக்கு நாள் அதிகரித்து வரும் நிலையில், அதிக ஈரப்பதத்துடன் கூடிய வெப்பநிலை குறித்த புதிய ஆய்வு கவனம் பெற்றுள்ளது.அமெரிக்காவைச் சேர்ந்த காலநிலை ஆய்வு அமைப்பான Climate Central மேற்கொண்ட ஆய்வில், உலக அளவில் ஆய்வு செய்யப்பட்ட 961 நகரங்களில் திருநெல்வேலி 34-வது இடத்தில் இருப்பதாக தெரிவிக்கப்பட்டுள்ளது. இந்திய நகரங்களின் பட்டியலில் திருநெல்வேலி முதலிடத்தில் இருப்பதாகவும் அந்த ஆய்வு குறிப்பிடுகிறது.1970-களில் ஆண்டுக்கு சுமார் 119 நாட்களாக இருந்த ‘Dangerous Humid Heat Days’, 2016–2025 காலகட்டத்தில் ஆண்டுக்கு 273 நாட்களாக அதிகரித்துள்ளதாக ஆய்வு கூறுகிறது. அதாவது, ஆண்டின் பெரும்பாலான நாட்களில் அதிக ஈரப்பதத்துடன் கூடிய வெப்பநிலை நிலவும் சூழல் உருவாகியுள்ளது.காற்றில் ஈரப்பதம் அதிகமாக இருக்கும்போது, உடலில் உருவாகும் வியர்வை எளிதில் ஆவியாகாமல் போகலாம். இதனால் உடல் தன்னை குளிர்வித்துக்கொள்ளும் திறன் குறைந்து, வெப்பம் தொடர்பான உடல்நலப் பிரச்சினைகளின் அபாயம் அதிகரிக்கலாம்.குறிப்பாக கடுமையான வெப்பநிலையில் நீண்ட நேரம் இருப்பது நீரிழப்பு மற்றும் Heat Stroke போன்ற பிரச்சினைகளை ஏற்படுத்தக்கூடும்.காலநிலை மாற்றத்தின் தாக்கம் எதிர்காலத்துக்கான பிரச்சினை மட்டுமல்ல; அதன் விளைவுகள் தற்போதே பல பகுதிகளில் உணரப்படுகின்றன.
பத்திரப் பதிவில் அதிரடி மாற்றம் ,புதிய வீடுகள், மனை விற்பனை பத்திரங்கள், அடமான ஆவணங்கள் போன்றவற்றை பதிவு செய்ய இனி கட்டணமின்றி இணையதளத்தில் பெறப்படும் வில்லங்கச் சான்றிதழ் போதுமானது என பதிவுத்துறை தரப்பில் தெரிவிக்கப்பட்டுள்ளது.
மின் வாரியத்தில் மின் மீட்டர் ரீடிங் மற்றும் கட்டணம் கணக்கிடும் பணி, அக்டோபர் மாதம் முதல் 6 மாத காலத்திற்குத் தற்காலிக ஒப்பந்த அடிப்படையில் தனியார் நிறுவனங்கள் மூலம் மேற்கொள்ளப்பட உள்ளது.பணி: வீடு, கடை, அலுவலகங்களில் மின் மீட்டர் ரீடிங் எடுப்பது.கல்வித் தகுதி: குறைந்தபட்சம் 10-ஆம் வகுப்பு தேர்ச்சி (12-ஆம் வகுப்பு படித்தவர்களுக்கு முன்னுரிமை) மற்றும் மொபைல் போன் பயன்படுத்தத் தெரிந்திருக்க வேண்டும்.பணியிடம்: தமிழ்நாடு முழுவதும் மாவட்ட வாரியாகத் தேவைக்கேற்ப.விண்ணப்பிக்கும் முறை: தனியார் நிறுவனங்கள் வெளியிடும் அறிவிப்பு மூலம் ஆன்லைன் அல்லது நேரில் விண்ணப்பிக்கலாம் (விவரங்கள் விரைவில்).முக்கியக் குறிப்பு: இது மின்வாரியத்தைத் தனியார்மயமாக்கும் முயற்சி அல்ல. மீட்டர் ரீடிங் பணிக்கு மட்டுமே தற்காலிக ஒப்பந்தம் செய்யப்படுகிறது. மற்ற அனைத்துப் பணிகளும் மின்சார வாரியத்திலேயே தொடரும்.
பாஸ்போர்ட் காலாவதியாகும் முன்பே Renewal செய்வது பயனுள்ளதாக இருக்கும்.1️⃣ஒரு வருடத்திற்கு முன்பே Renewal செய்யலாம்.Passport Expiry-க்கு 1 வருடத்திற்கு முன்பே ஆன்லைனில் Renewal செய்யும் வசதி இருப்பதாக தெரிவிக்கப்பட்டுள்ளது.2️⃣ Tatkal மூலம் விரைவாக பெறலாம்.அவசரத் தேவைகளுக்கு Tatkal முறையில் விண்ணப்பித்து விரைவாக புதிய Passport பெற முடியும்.3️⃣முகவரி & மனைவி பெயர் Update.Passport Renewal செய்யும் நேரத்தில் தேவையான தனிப்பட்ட விவரங்களையும் புதுப்பிக்க முடியும்.4️⃣பழைய Visa செல்லுபடியாகுமா?.Visa பழைய Passport-ல் இருந்தால், புதிய Passport உடன் பழைய Passport-ஐயும் எடுத்துச் சென்று பயணம் செய்ய வேண்டியிருக்கலாம்.📌 Passport Renewal மற்றும் Visa தொடர்பான விதிமுறைகள் நாடு மற்றும் அதிகாரிகளின் தற்போதைய நடைமுறையைப் பொறுத்து மாறக்கூடும். பயணத்திற்கு முன் அதிகாரப்பூர்வ தகவலை சரிபார்க்கவும்.
பல் துலக்கும் முறையையே தொழில்நுட்பத்துடன் இணைக்கும் வகையில், கேமரா மற்றும் AI வசதியுடன் கூடிய புதிய டூத் பிரஷ் அறிமுகம் செய்யப்பட்டுள்ளது.அமெரிக்காவைச் சேர்ந்த Dyson நிறுவனம் உருவாக்கியுள்ள இந்த புதிய AI டூத் பிரஷ்ஷில் சிறிய கேமரா பொருத்தப்பட்டுள்ளது. இந்த கேமரா மூலம் பற்களின் நிலையை கண்காணித்து, கறைகள் மற்றும் சுத்தம் செய்ய வேண்டிய பகுதிகளை அடையாளம் காணும் வகையில் தொழில்நுட்பம் உருவாக்கப்பட்டுள்ளது.மேலும், பிரத்யேக ஜெல்லை பயன்படுத்தி பற்களை சுத்தம் செய்யும் வசதியும் இதில் இடம்பெற்றுள்ளதாக தெரிவிக்கப்படுகிறது.ஸ்மார்ட்போனுடன் டூத் பிரஷ்ஷை இணைப்பதன் மூலம், பயனர்கள் தங்களது பற்களின் நிலையை விரிவாகக் கண்காணிக்க முடியும் என்பதும் இதன் முக்கிய அம்சமாக கூறப்படுகிறது.சார்ஜ் செய்து பயன்படுத்தக்கூடிய இந்த தொழில்நுட்ப டூத் பிரஷ்ஷின் விலை சுமார் ₹47,000 முதல் தொடங்குவதாக தகவல்கள் தெரிவிக்கின்றன.
ஸ்மார்ட்போன்களுக்கு செயற்கைக்கோள் மூலம் நேரடியாக இணைய சேவையை வழங்கும் Gen 2 D2D (Direct-to-Device) தொழில்நுட்பத்தை அறிமுகப்படுத்துவதற்காக, ஒன்றிய அரசிடம் அனுமதி கோரி Starlink நிறுவனம் மீண்டும் விண்ணப்பித்துள்ளதாக தகவல் வெளியாகியுள்ளது.முன்னதாக சமர்ப்பிக்கப்பட்ட விண்ணப்பம் சில தொழில்நுட்ப மற்றும் ஸ்பெக்ட்ரம் விதிமுறைகள் தொடர்பான காரணங்களால் ஏற்கப்படாத நிலையில், தற்போது புதிய விண்ணப்பத்தை Starlink சமர்ப்பித்துள்ளதாக கூறப்படுகிறது.இந்தத் திட்டம் நடைமுறைக்கு வந்தால், பிரத்யேக செயற்கைக்கோள் சாதனங்கள் இல்லாமலேயே, குறிப்பிட்ட ஸ்மார்ட்போன்கள் மூலம் செயற்கைக்கோள் இணைப்பைப் பயன்படுத்தும் வாய்ப்பு உருவாகலாம்.
கோவை மாநகரில் நொய்யல் ஆற்றை மேம்படுத்தும் திட்டத்தின் கீழ், ரூ.73 கோடி மதிப்பீட்டில் பல்வேறு வசதிகளை ஏற்படுத்த திட்டமிடப்பட்டுள்ளது.இதன் ஒரு பகுதியாக நடைபயிற்சிப் பாதை, மிதிவண்டிப் பாதை, சைக்கிள் நிறுத்துமிடங்கள், பொதுமக்கள் ஓய்வெடுக்க மர இருக்கைகள் மற்றும் ஆற்றின் அழகைக் கண்டு ரசிக்க பிரத்யேக பார்வை மேடை உள்ளிட்ட வசதிகள் அமைக்கப்பட உள்ளன.மேலும், இரவு நேரங்களிலும் பொதுமக்கள் பயன்படுத்தும் வகையில் சூரிய மின்சக்தியில் இயங்கும் விளக்குகள் அமைக்கப்பட உள்ளன. இதனுடன் 2 பெரிய பாலங்கள், 2 சிறிய பாலங்கள் மற்றும் ஆற்றில் குப்பைகள் தேங்குவதைத் தடுக்கும் வகையில் 4 இடங்களில் தடுப்புகள் அமைக்கவும் திட்டமிடப்பட்டுள்ளது.திட்டம் முழுமையாக செயல்பாட்டுக்கு வந்தால், நொய்யல் ஆற்றங்கரை கோவை மக்களுக்கான Walking, Cycling & Leisure Space ஆக புதிய பரிமாணம் பெறும் என எதிர்பார்க்கப்படுகிறது.
இந்தியாசெயற்கைநுண்ணறிவு(AI) துறையில் GPU உள்கட்டமைப்பில்அதிகஅளவில்முதலீடுசெய்வதைவிட, அடிப்படை AI ஆராய்ச்சி மற்றும் மேம்பாட்டில் (R&D) கவனம் செலுத்த வேண்டும் என Zoho நிறுவனத்தின் நிறுவனர் ஸ்ரீதர் வேம்பு வலியுறுத்தியுள்ளார்.சுகாதாரம், கல்வி உள்ளிட்ட பொதுத் தேவைகளை மையமாகக் கொண்ட AI ஆராய்ச்சிகள் எதிர்காலத்தில் UPI போன்ற டிஜிட்டல் பொது உள்கட்டமைப்பாக மாறி, அதிகமான மக்களுக்கு பயனளிக்கக்கூடும் என அவர் தெரிவித்துள்ளார்.Zoho-வின் இந்திய வணிகம் சுமார் 47 சதவீதம் வளர்ந்துள்ளதாகவும், அதே நேரத்தில் தரவு மையங்களுக்கான செலவுகள் ஓராண்டில் கிட்டத்தட்ட நான்கு மடங்கு அதிகரித்துள்ளதாகவும் வேம்பு கூறினார். AI பயன்பாட்டுக்கான டோக்கன் செலவுகளும் அதிகரிப்பதால் நிறுவனங்களின் லாப வரம்பில் அழுத்தம் ஏற்பட்டுள்ளதாக அவர் தெரிவித்தார்.மேலும், மருத்துவ உபகரணங்கள், எட்ஜ் AI, மேம்பட்ட உற்பத்தி உள்ளிட்ட துறைகளில் முதலீடுகள் மேற்கொள்ளப்பட்டு வருவதாகவும் அவர் கூறினார்.AI வளர்ச்சியை மெதுவாக்க வேண்டும் என்ற சில முன்னணி AI நிறுவனங்களின் கோரிக்கைகள் குறித்து சந்தேகம் தெரிவித்த வேம்பு, இந்தியா மென்பொருள் துறையை மட்டுமின்றி மருத்துவம், பாதுகாப்பு, விண்வெளி மற்றும் மேம்பட்ட உற்பத்தி போன்ற துறைகளிலும் இளைஞர்களுக்கான வேலைவாய்ப்புகளை உருவாக்க வேண்டும் என வலியுறுத்தினார்.
SaaS துறையின் முன்னணி நிறுவனமான ஜோஹோ, பல்வேறு செயலிகளில் தகவல்களைத் தேடவும், வணிகச் சூழலைப் புரிந்துகொள்ளவும், நடவடிக்கைகளை மேற்கொள்ளவும் உதவும் ஒருங்கிணைந்த AI இடைமுகமான ‘Zia Chat’-ஐ அறிமுகப்படுத்தியுள்ளது.Model Context Protocols தொழில்நுட்பத்தைப் பயன்படுத்தும் Zia Chat, Zoho அல்லாத பிற செயலிகளுடனும் இணைந்து செயல்படுகிறது. மேலும், இது குறிப்பிட்ட AI மாதிரியைச் சார்ந்திருக்காததால், நிறுவனங்கள் தங்களுக்கு ஏற்ற AI மாதிரிகளைத் தேர்வு செய்ய முடியும்.சென்னையில் நடைபெற்ற 30-வது ‘Zoholics’ நிகழ்வில், 2025-ல் இந்தியாவில் Zoho-வின் வருவாய் ஆண்டுக்கு ஆண்டு 47% அதிகரித்துள்ளதாக நிறுவனம் தெரிவித்தது.மேலும், சில்லறை, வாகனம், சுகாதாரம், வங்கி மற்றும் நிதிச் சேவைகள், ரியல் எஸ்டேட், கல்வி, உணவகம் உள்ளிட்ட 7 துறைகளுக்கான Vertical SaaS தீர்வுகளை உருவாக்கி விரிவுபடுத்த Zoho திட்டமிட்டுள்ளது.
இந்தியாவின் புல்லட் ரயில் திட்டம்.🚄 2030-க்குள் புல்லட் ரயில்களை தயாரிக்க இந்தியா திட்டம்!மணிக்கு 350 கி.மீ. வேகத்தில் பயணிக்கும் புல்லட் ரயில்களை இந்தியாவிலேயே தயாரிக்கும் திட்டம் முன்னெடுக்கப்பட்டுள்ளதாக தகவல்கள் தெரிவிக்கின்றன.🇮🇳 ஜப்பானின் அடுத்த தலைமுறை E10 ரயில்களுக்கு இணையான வேகத்தில், அதாவது மணிக்கு 350 கி.மீ. வரை செல்லக்கூடிய ரயில்களை 2030-க்குள் உற்பத்தி செய்ய இந்தியா திட்டமிட்டுள்ளதாக கூறப்படுகிறது.💰 மேலும், ரூ.2 லட்சம் கோடிக்கும் அதிகமான திட்டத்தின் திருத்தப்பட்ட செலவுக்கு அமைச்சரவை ஒப்புதல் அளித்துள்ளதாகவும் தகவல் வெளியாகியுள்ளது.🚆 இந்தியாவின் அதிவேக ரயில் தொழில்நுட்பத்தில் இது முக்கியமான முன்னேற்றமாக அமையக்கூடும்.
