25 YEARS OF EXCELLENCE
Weather: -
Friday Nov 06, 2026
02:45:35am
Weather: -
Friday Nov 06, 2026
02:45:35am
இத்தாலியில் நடைபெற்று வரும் ஏடிபி சேலஞ்சர் டென்னிஸ் தொடரின் ஒற்றையர் பிரிவு முதல் சுற்றில், இந்தியாவின் சுமித் நாகல் ருமேனியாவின் சீசர் கிரெட்டுவை எதிர்கொண்டார்.ஆட்டம் முழுவதும் ஆதிக்கம் செலுத்திய நாகல், முதல் செட்டை 6-2 எனவும், இரண்டாவது செட்டை 6-4 எனவும் கைப்பற்றி, 6-2, 6-4 என்ற நேர் செட் கணக்கில் வெற்றி பெற்றார். ஒரு மணி நேரம் 40 நிமிடங்கள் நீடித்த இந்த வெற்றியின் மூலம் அவர் ரவுண்டு-16 சுற்றுக்கு முன்னேறினார்.
ஜப்பான் தலைநகர் டோக்கியோவில் நடைபெற்று வரும் ஜப்பான் ஓபன் சூப்பர்-750 பாட்மின்டன் தொடரில், இந்திய வீராங்கனை பி.வி. சிந்து வெற்றியுடன் இரண்டாவது சுற்றுக்கு முன்னேறினார்.பெண்கள் ஒற்றையர் பிரிவு முதல் சுற்றில் மலேசியாவின் லிங் சிங் வோங்வை எதிர்கொண்ட சிந்து, தொடக்கம் முதலே ஆதிக்கம் செலுத்தி 21-14, 21-11 என்ற நேர் செட் கணக்கில் வெற்றி பெற்று அடுத்த சுற்றுக்குள் நுழைந்தார்.மறுபுறம், ஆண்கள் இரட்டையர் பிரிவில் இந்தியாவின் சாத்விக்சாய்ராஜ் ரங்கிரெட்டி - சிராக் ஷெட்டி ஜோடி, டென்மார்க்கின் டேனியல் லங்கார்ட் - மட்ஸ் வெஸ்டர்கார்ட் ஜோடியுடன் மோதியது. முதல் செட்டை 19-21 என்ற கணக்கில் இழந்த நிலையில், சாத்விக்சாய்ராஜுக்கு தோள்பட்டையில் ஏற்பட்ட காயம் காரணமாக, இந்திய ஜோடி போட்டியிலிருந்து விலகியது. இதனால் டென்மார்க் ஜோடி வெற்றி பெற்றதாக அறிவிக்கப்பட்டது.
சர்வதேச டேபிள் டென்னிஸ் கூட்டமைப்பு (ஐ.டி.டி.எப்.) வெளியிட்டுள்ள புதிய தரவரிசையில், இந்தியாவின் மானவ் தாக்கர்–மானுஷ் ஷா ஜோடி ஆண்கள் இரட்டையர் பிரிவில் முதல் முறையாக 2வது இடத்தை பிடித்துள்ளது. இந்த ஜோடி 3,390 புள்ளிகளுடன் ஒரு இடம் முன்னேறியுள்ளது.பெண்கள் இரட்டையர் பிரிவில் இந்தியாவின் தியா–யாஷஸ்வினி ஜோடி 10வது இடத்துக்கு முன்னேறியது. கலப்பு இரட்டையர் பிரிவில் தியா–மானுஷ் ஷா ஜோடி 5வது இடத்தை பிடித்துள்ளது. ஹர்மீத் தேசாய்–யாஷஸ்வினி ஜோடி 14வது இடத்தில் தொடர்கிறது.
லண்டனின் லார்ட்ஸ் மைதானத்தில் நடைபெற்ற முதல் பெண்கள் டெஸ்ட் போட்டியில், ஹர்மன்பிரீத் கவுர் தலைமையிலான இந்திய அணி 270 ரன் வித்தியாசத்தில் இங்கிலாந்தை வீழ்த்தி வரலாற்றுச் சாதனை படைத்தது.முதல் இன்னிங்சில் இந்தியா 285 ரன்களும், இங்கிலாந்து 170 ரன்களும் எடுத்தன. தொடர்ந்து, யஸ்திகா பாட்யா 113 ரன்கள் குவித்ததன் உதவியுடன் இந்தியா 2வது இன்னிங்சில் 341/7 ரன்களுக்கு டிக்ளேர் செய்தது. 457 ரன்கள் என்ற கடின இலக்கை நோக்கி விளையாடிய இங்கிலாந்து, 186 ரன்களுக்கு ஆட்டமிழந்தது.இதன் மூலம் இங்கிலாந்து மண்ணில் இந்திய பெண்கள் அணி 3வது முறையாக டெஸ்ட் வெற்றியை பதிவு செய்தது. அங்கு விளையாடிய 11 டெஸ்ட் போட்டிகளில் இந்தியா 3 வெற்றிகளையும், 8 டிராக்களையும் பெற்றுள்ளது.
ஆண்கள் ஒற்றையர் ஏ.டி.பி. தரவரிசையில் இத்தாலியின் ஜானிக் சின்னர் மீண்டும் முதலிடத்தை தக்க வைத்துள்ளார். சமீபத்தில் நடைபெற்ற விம்பிள்டன் தொடரில் தொடர்ந்து 2வது முறையாக சாம்பியன் பட்டம் வென்றது அவரது முன்னிலையை உறுதிப்படுத்தியது.விம்பிள்டன் இறுதிப்போட்டிக்கு முன்னேறிய ஜெர்மனியின் அலெக்சாண்டர் ஸ்வெரேவ், 3வது இடத்தில் இருந்து 2வது இடத்துக்கு முன்னேறினார்.பெண்கள் டபிள்யூ.டி.ஏ. ஒற்றையர் தரவரிசையில், விம்பிள்டன் சாம்பியனான செக் குடியரசின் லிண்டா நோஸ்கோவா 12வது இடத்தில் இருந்து 7வது இடத்துக்கு முன்னேறினார். அதே தொடரில் இறுதிப்போட்டிக்கு சென்ற கரோலினா முசோவா 3 இடங்கள் முன்னேறி 6வது இடத்தை பிடித்தார்.
லண்டன் லார்ட்ஸ் மைதானத்தில் நடைபெறும் ஒரே ஒரு டெஸ்ட் போட்டியில் இந்திய பெண்கள் அணி முழு ஆதிக்கம் செலுத்தி வருகிறது.முதல் இன்னிங்சில் இந்தியா 285 ரன்களும், இங்கிலாந்து 170 ரன்களும் எடுத்தன. தொடர்ந்து 2வது இன்னிங்சில் இந்தியா 341/7 ரன்கள் எடுத்த நிலையில் டிக்ளேர் செய்தது. யஸ்திகா பாட்யா அபாரமாக சதம் விளாச, இந்தியா மொத்தமாக 456 ரன்கள் முன்னிலை பெற்றது.457 ரன்கள் எடுத்தால் வெற்றி என்ற கடின இலக்குடன் களமிறங்கிய இங்கிலாந்து அணி, தேநீர் இடைவேளையின்போது 47/4 ரன்கள் எடுத்து தடுமாறியது.
சீனாவில் நடந்த 23 வயதுக்கு உட்பட்டோருக்கான ஆசிய தடகள சாம்பியன்ஷிப்பில், ஆண்கள் ஈட்டி எறிதல் போட்டியில் இந்திய வீரர் ஆனந்த் சிங் 80.57 மீட்டர் தூரம் எறிந்து தங்கப் பதக்கம் வென்றார்.மற்றொரு இந்திய வீரர் ஷிவம் சதிஷ் 79.41 மீட்டர் தூரம் எறிந்து வெண்கலப் பதக்கத்தை கைப்பற்றினார்.பெண்கள் 4×400 மீட்டர் ரிலேவில் ஷ்ரவாணி, சந்திரமோல், பிரவல்லிகா, நோவிசா ஆகியோர் இடம் பெற்ற இந்திய அணி 3:33.62 நிமிடங்களில் இலக்கை எட்டி தங்கம் வென்றது.இத்தொடரில் இந்தியா 3 தங்கம், 5 வெள்ளி, 9 வெண்கலம் என மொத்தம் 17 பதக்கங்களை கைப்பற்றியது.
உலகக் கோப்பை கால்பந்து காலிறுதியில், நார்வே அணியை 2-1 என்ற கோல் கணக்கில் வீழ்த்தி இங்கிலாந்து அரையிறுதிக்குள் நுழைந்தது.அமெரிக்காவின் மயாமியில் நடந்த போட்டியில் ஆட்டநேர முடிவில் இரு அணிகளும் 1-1 என சமநிலையில் இருந்தன. கூடுதல் நேரத்தில் இங்கிலாந்து வெற்றிக்கான கோலை அடித்து 2-1 என்ற கணக்கில் வெற்றி பெற்று அரையிறுதியை உறுதி செய்தது.அர்ஜென்டினா அபாரம்... அரையிறுதிக்கு முன்னேற்றம்.உலகக் கோப்பை கால்பந்து தொடரின் காலிறுதியில் சுவிட்சர்லாந்தை 3-1 என்ற கோல் கணக்கில் வீழ்த்தி நடப்பு சாம்பியன் அர்ஜென்டினா அரையிறுதிக்கு முன்னேறியது.அமெரிக்காவின் கன்சாஸ் சிட்டியில் நடைபெற்ற தொடரின் 100வது போட்டியில், 10வது நிமிடத்தில் மெஸ்ஸியின் கார்னரை அலெக்சிஸ் மேக் அலிஸ்டர் தலையால் முட்டி கோலாக மாற்றினார். தொடர்ந்து சிறப்பாக விளையாடிய அர்ஜென்டினா 3-1 என்ற கணக்கில் வெற்றி பெற்று அரையிறுதி வாய்ப்பை கைப்பற்றியது.
இங்கிலாந்தின் லண்டனில் நடைபெற்று வரும் விம்பிள்டன் கிராண்ட்ஸ்லாம் டென்னிஸ் தொடரில், ஆண்கள் ஒற்றையர் பிரிவு அரையிறுதியில் ஜெர்மனியின் அலெக்சாண்டர் ஸ்வெரேவ் அபார ஆட்டத்தை வெளிப்படுத்தி இறுதிப்போட்டிக்குள் முன்னேறினார்.பிரிட்டனின் ஆர்தர் பெரியை எதிர்கொண்ட ஸ்வெரேவ், முதல் செட்டை டைபிரேக்கரில் 7-6 என கைப்பற்றினார். அதன்பின் ஆதிக்கம் செலுத்திய அவர், அடுத்த இரண்டு செட்களையும் 6-2, 6-4 என வென்று போட்டியை நேர் செட்களில் முடித்தார்.2 மணி 14 நிமிடங்கள் நீடித்த இந்த ஆட்டத்தில் 7-6, 6-2, 6-4 என்ற கணக்கில் வெற்றி பெற்ற ஸ்வெரேவ், தனது விம்பிள்டன் வரலாற்றில் முதல் முறையாக ஒற்றையர் பிரிவு பைனலுக்கு தகுதி பெற்றார்.
சீனாவில் நடைபெற்று வரும் 23 வயதுக்குட்பட்டோருக்கான ஆசிய தடகள சாம்பியன்ஷிப்பில் இந்திய வீரர், வீராங்கனைகள் தொடர்ந்து பதக்கங்களை குவித்து வருகின்றனர். நேற்று மட்டும் இந்தியா மூன்று வெண்கலப் பதக்கங்களை கைப்பற்றியது.பெண்கள் 800 மீட்டர் ஓட்டத்தில் இந்தியாவின் புமேஷ்வொரி தேவி 2:10.20 நிமிடங்களில் பந்தயத்தை முடித்து வெண்கலப் பதக்கம் வென்றார். இந்தப் பிரிவில் உஸ்பெகிஸ்தானின் ஜோன் பிபி தங்கமும், ஜப்பானின் குருமி வெள்ளியும் கைப்பற்றினர். இந்தியாவின் வைஷ்ணவி ஐந்தாவது இடத்தில் நிறைவு செய்தார்.ஆண்கள் 800 மீட்டர் ஓட்டத்தில் ஷகீல் 1:48.78 நிமிடங்களில் இலக்கை எட்டி வெண்கலப் பதக்கம் பெற்றார். மேலும், ஆண்கள் 200 மீட்டர் ஓட்டத்தில் அபே சிங் 20.96 வினாடிகளில் பந்தயத்தை முடித்து இந்தியாவுக்கு மேலும் ஒரு வெண்கலத்தை சேர்த்தார்.இந்த தொடரில் இதுவரை இந்தியா 1 தங்கம், 2 வெள்ளி, 6 வெண்கலம் என மொத்தம் 9 பதக்கங்களை வென்று அசத்தியுள்ளது.
