25 YEARS OF EXCELLENCE
Weather: -
Thursday Aug 27, 2026
03:33:03pm
Weather: -
Thursday Aug 27, 2026
03:33:03pm
1. ChatGPT.com - solves anything 2. Claude.ai - conversational assistant 3. Perplexity.ai - research with sources 4. Mid Journey.com - generate breathtaking art 5. Leonardo.ai - hyper-realistic images 6. Runwayml.com - Al video editing 7. Replit.com - write and run code 8. Cursor.so - Al coding IDE 9. Blackbox.ai - Al for developers 10. Tabnine.com - coding autocomplete 11. Manus.im - build apps with text 12. Canva.com - design anything with Al 13. Gamma.app - Al-powered presentations 14. Tome.app - instant slide decks 15. MagicSlides.app - auto-build slides 16. SlidesAl.io - text to presentations . 17. Synthesia.io - Al video presenters 18. HeyGen.com - avatars that talk
பெரிய திரையில் திரைப்படங்களை ரசிக்க விரும்புபவர்களுக்காக, ஜெப்ரானிக்ஸ் ஜெப் பிக்சாபிளே 65 ப்ரொஜெக்டர் ரூ.10,499 விலையில் கிடைக்கிறது. 4K சப்போர்ட், 8,500 லூமன்ஸ் பிரகாசம் மற்றும் 200 இன்ச் வரை திரை அளவை வழங்கும் இந்த ப்ரொஜெக்டரில் Android OS, HDMI, USB, Bluetooth 5.1, Dual-Band Wi-Fi, சக்திவாய்ந்த ஸ்பீக்கர்கள் மற்றும் 50,000 மணி நேர LED லேம்ப் வசதியும் இடம்பெற்றுள்ளது.
இந்தியாவின் தனியார் விண்வெளித் துறையில் புதிய வரலாறு படைத்து, ஹைதராபாத்தைச் சேர்ந்த ஸ்கைரூட் ஏரோஸ்பேஸ் நிறுவனத்தின் விக்ரம்-1 ராக்கெட், ஆந்திரப் பிரதேசத்தின் ஸ்ரீஹரிகோட்டாவில் உள்ள சதீஷ் தவான் விண்வெளி மையத்தில் இருந்து வெற்றிகரமாக விண்ணில் ஏவப்பட்டது. 'மிஷன் ஆகமன்' (Mission Aagaman) எனப் பெயரிடப்பட்ட இந்தப் பயணம், இந்தியாவில் தனியார் நிறுவனம் உருவாக்கிய முதல் சுற்றுப்பாதை (Orbital) ராக்கெட் ஏவுதலாக புதிய மைல்கல்லை எட்டியுள்ளது.22 மீட்டர் உயரம் கொண்ட விக்ரம்-1, பல்வேறு தொழில்நுட்ப மற்றும் வணிகப் பயன்சுமைகளை (Payloads) வெற்றிகரமாக குறைந்த உயரப் பூமி சுற்றுப்பாதையில் (Low Earth Orbit) நிலைநிறுத்தியது. இந்த வெற்றியின் மூலம், தனியார் நிறுவனத்தின் ராக்கெட் மூலம் சுற்றுப்பாதையை எட்டிய உலகின் மிகச் சில நாடுகளில் இந்தியாவும் இடம்பிடித்துள்ளது.இந்த வரலாற்றுச் சாதனைக்கு பிரதமர் நரேந்திர மோடி, ஸ்கைரூட் நிறுவனத்தின் நிறுவனர் பவன் குமார் சந்தனா மற்றும் குழுவினருக்கு வாழ்த்து தெரிவித்தார். இந்திய விண்வெளித் துறையில் தனியார் நிறுவனங்களின் பங்களிப்பை மேலும் வலுப்படுத்தும் முக்கியமான நிகழ்வாக இந்த வெற்றி கருதப்படுகிறது.
உலகின் பெரும்பாலான நாடுகளில் பள்ளி பேருந்துகள் மஞ்சள் நிறத்தில் இருப்பதற்கு முக்கிய காரணம் பாதுகாப்பு.1939-ஆம் ஆண்டு அமெரிக்காவில் நடைபெற்ற ஆய்வில், பல நிறங்களில் சோதனை நடத்தப்பட்டபோது, மஞ்சள் நிறம் தொலைவிலிருந்தே எளிதாகக் கண்களில் படுவதும், மூடுபனி, மழை, அதிகாலை மற்றும் மாலை நேரங்களிலும் தெளிவாகத் தெரிவதும் உறுதி செய்யப்பட்டது.மேலும், மஞ்சள் பின்னணியில் கருப்பு எழுத்துகள் மிகத் தெளிவாகப் படிக்கப்படுவதால் பள்ளி பெயர் மற்றும் பேருந்து எண்களையும் எளிதில் அடையாளம் காண முடிகிறது. இதன் காரணமாக உலகம் முழுவதும் பள்ளி பேருந்துகளுக்கான பொதுவான நிறமாக மஞ்சள் பயன்படுத்தப்படுகிறது.
கிரேக்கத்தின் பெலோபொன்னீஸ் பகுதியில் சுமார் 2,500 ஆண்டுகள் பழமையான போசைடன் கடவுளுக்கான கோயில் தொல்பொருள் ஆய்வாளர்களால் கண்டுபிடிக்கப்பட்டுள்ளது. பல ஆண்டுகளாக நடைபெற்ற ஆய்வின் மூலம், பழங்கால துறைமுக நகரமான சாமிகோஸில் புதைந்திருந்த இந்த கோயில் வெளிச்சத்துக்கு வந்தது. பூகம்பம், சுனாமி போன்ற இயற்கை பேரிடர்களால் கோயில் மண்ணுக்குள் புதைந்திருக்கலாம் என ஆராய்ச்சியாளர்கள் கருதுகின்றனர்.
எலான் மஸ்க்கின் X நிறுவனம் XChat என்ற புதிய மெசேஜிங் செயலியை அறிமுகப்படுத்தியுள்ளது. தற்போது iOS-ல் கிடைக்கும் இந்த செயலியில் End-to-End Encryption, தானாக அழியும் மெசேஜ்கள், ஆடியோ/வீடியோ அழைப்புகள், குழு உரையாடல் உள்ளிட்ட வசதிகள் இடம்பெற்றுள்ளன. மொபைல் எண் இல்லாமலேயே X கணக்கைப் பயன்படுத்தி உள்நுழையலாம் என நிறுவனம் தெரிவித்துள்ளது.
சுவிட்சர்லாந்தின் ஜெனிவாவில் நடைபெற்ற ஏலத்தில், உலகின் அரிய மற்றும் உயர்ந்த மதிப்புள்ள கைக்கடிகாரங்களில் ஒன்றாகக் கருதப்படும் படேக் பிலிப் நிறுவனத்தின் 'சவுத் அமெரிக்கா' வேர்ல்ட் டைம் மாடல் சுமார் 10.2 மில்லியன் அமெரிக்க டாலர் (இந்திய மதிப்பில் சுமார் ₹85 கோடி) விலைக்கு விற்பனையாகி கவனம் பெற்றுள்ளது.1953-ஆம் ஆண்டு தயாரிக்கப்பட்ட 'ரெஃபரன்ஸ் 2523' மாடலான இந்தக் கடிகாரத்தின் சிறப்பம்சம், அதன் எனாமல் டயலில் தென் அமெரிக்காவின் வரைபடம் பொறிக்கப்பட்டிருப்பதாகும். இவ்வகை கடிகாரங்கள் தற்போது உலகில் மிகக் குறைந்த எண்ணிக்கையில் மட்டுமே இருப்பதால், சேகரிப்பாளர்களிடையே அதிக மதிப்பைப் பெற்றுள்ளது. மேலும், ஏலத்தில் 10 மில்லியன் டாலருக்கும் அதிகமாக விற்பனையான மூன்றாவது வின்டேஜ் கைக்கடிகாரம் என்ற பெருமையையும் இந்த மாடல் பெற்றுள்ளது.
நாம் பார்க்கும் உலகம் உண்மையில் இருப்பதைப் போலவே நம் கண்களுக்கு தெரிவதாக பலர் நினைக்கிறார்கள். ஆனால், அறிவியல் கூறுவது வேறு. மனித மூளை ஒரு கேமராவைப் போல வெளி உலகத்தை நேரடியாக பதிவு செய்வதில்லை. அதற்கு பதிலாக, கண்கள், காதுகள், மூக்கு, நாக்கு மற்றும் தோல் வழியாக கிடைக்கும் தகவல்களை ஒன்றிணைத்து, அவற்றை விளக்கி ஒரு முழுமையான உலகப் படத்தை உருவாக்குகிறது.நாம் காணும் நிறங்கள், கேட்கும் ஒலிகள், உணரும் வாசனைகள், தொடு உணர்வுகள் என அனைத்தும் மூளையின் விளக்கத்தின் விளைவுகளே. இதை விஞ்ஞானிகள் "கட்டுப்படுத்தப்பட்ட மாயத்தோற்றம்" (Controlled Hallucination) என்று குறிப்பிடுகின்றனர்.ஒவ்வொருவரின் அனுபவம், நினைவுகள் மற்றும் உணர்திறன் வேறுபடுவதால், ஒரே நிகழ்வை இருவர் வெவ்வேறு விதமாகப் புரிந்துகொள்ளவும் வாய்ப்புள்ளது. அதனால், நாம் உணர்வது முழுமையான யதார்த்தம் அல்ல; நமது மூளை உருவாக்கி விளக்கும் உலகம்தான். மனித மூளையின் இந்த அற்புதமான செயல்பாடே நம் உலக அனுபவத்தை தனித்துவமாக மாற்றுகிறது.
கோடை வெப்பத்திலிருந்து தப்பிக்க பலரும் ஏர் கண்டிஷனர் (AC) மற்றும் மின்விசிறியை நீண்ட நேரம் பயன்படுத்துவது வழக்கமாகிவிட்டது. ஆனால், இடைவிடாமல் குளிர்சாதன அறையில் இருப்பது உடல்நலத்தில் சில பாதிப்புகளை ஏற்படுத்தக்கூடும் என்று மருத்துவர்கள் தெரிவிக்கின்றனர்.நீண்ட நேரம் AC-யில் இருப்பதால் உடல் சோர்வு, மூட்டுவலி அல்லது வீக்கம், கண் வறட்சி, தோல் உலர்தல், மூக்கடைப்பு, காது அடைப்பு போன்ற பிரச்சனைகள் சிலருக்கு ஏற்படலாம். எனவே, அவ்வப்போது இயற்கை காற்றை சுவாசிப்பது, போதுமான அளவு தண்ணீர் குடிப்பது மற்றும் AC வெப்பநிலையை அளவோடு வைத்துப் பயன்படுத்துவது உடல்நலத்திற்கு நல்லது என்று நிபுணர்கள் பரிந்துரைக்கின்றனர்.
பூமியின் நாட்களோடு ஒப்பிடும் போது, மற்ற கிரகங்களின் ஒரு ஆண்டு (சூரியனைச் சுற்றி வர எடுத்துக்கொள்ளும் காலம்) எவ்வளவு தெரியுமா?கிரகம் பூமியின் கணக்கில் ஒரு ஆண்டுபுதன் (Mercury ) - 88 நாட்கள்.வெள்ளி (Venus) - 225 நாட்கள்.செவ்வாய் (Mars)- 687 நாட்கள்.வியாழன் (Jupiter)- 12 ஆண்டுகள்.சனி (Saturn) - 29 ஆண்டுகள்.யுரேனஸ் (Uranus) - 84 ஆண்டுகள்.நெப்டியூன் (Neptune)- 164 ஆண்டுகள்.
