25 YEARS OF EXCELLENCE
Weather: -
Thursday Aug 27, 2026
09:25:03pm
Weather: -
Thursday Aug 27, 2026
09:25:03pm
நிலவில் தரையிறங்கி ஆய்வு செய்யும் மனிதர்கள், கருவிகள் சந்திக்கும் முதல் பிரச்னை நிலவில் உள்ள தூசு. இது குறித்து ஆய்வு செய்த விஞ்ஞானிகள் இந்தத் துாசுகள் பூமியின் நகரங்களில் உள்ள காற்றைக் காட்டிலும் குறைவான ஆபத்தையே மனிதர்களுக்கு ஏற்படுத்தும் என்று கண்டறிந்துள்ளனர்.
மராத்தான் ஃபியூஷனின் (Marathon Fusion)விஞ் ஞானிகள், நிஜமாகவே, அணுக்கரு இணைவு (Nuclear Fusion) மூலம் தங்கத்தை தயாரிக்க முடியும் என்று சொல்கின்றனர். டோகாமாக் என்ற உலையில், செறிவூட்டப் பட்ட மெர்க்குரி 198 ஐயும் அணுக்கரு பிணைப்பின் போது உருவாகும் நியூட்ரான்களையும் பயன்படுத்தி, இந்த உலை ஒரு ஜிகாவாட் துாய மின்சாரம் தயாரிக்கும்.அந்த வேதி வினையின் பக்க விளைவாக ஐந்து டன் தங்கத்தை உற்பத்தி செய்யலாம் என மராத்தான் ஃபியூஷன் விஞ்ஞானிகள் தெரிவித்துள்ளனர். அணுப் பிணைப்பு உலையின் உட்சுவர்களில், வழக்கமான லித்தியத்தை பூசுவதற்கு பதிலாக, மெர்க்குரி -198ஐ பூசுகின்றனர்.பிணைப்பின் போது உருவாகும் நியூட்ரான் கள், ஒரு சிதைவு சங்கிலியைத் துாண்டி, நிலையில்லா மெர்குரி-197ஐ தங்கம்-197 ஆக மாற்றுகின்றன.வேதிய தங்கத்தை பிறகு தங்கத்தை எளிய வாயிலாகப் பிரித்தெடுக்க முடியும். அணுப் பிணப்பு உலையில் ஏராளமாகக் கிடைக்கும் மின் ஆற்றலோடு, தங்கமும் கிடைப் பதுதான் ஆச்சரியம். ஒரு ஜிகாவாட்- ஆண்டுக்கு, தோராயமாக 4,734 கோடி ரூபாய் மதிப்புள்ளதங்கம் கிடைப்பது பொருளாதார ரீதியாக பிரமிக்க வைக்கிறது. இது வெறும் ஆய்வக சோதனை அல்ல; இது உலை அளவில் தங்கம் தயாரிக்கும் முறை.இந்த கண்டுபிடிப்பு இன்னும் சக வல்லுநர்களின் மதிப்பாய்வில்தான் இருக்கிறது. ஆனால்' இது ஏற்றுக்கொள்ளப் பட்டால் அணுக்கரு பிணைப்பு உலைகளுக்கு, தாராள நிதிகள் கிடைக்கும். தவிர, மதிப்புமிக்க உலோக உற்பத்தி முறைகள் அடியோடு மாறக்கூடும். அந்த காலத்தில், ரச வாதிகள், இரும்பிலிருந்து தங்கம் தயாரிக்க முயன்றனர். ரசவாதிகள் கனவு கண்ட, தங்கம் செய்யும் வித்தை, இப்போது கடின அறிவியலால் நனவாகப் போகிறது.
பக்தி தேவை இல்லை, ஆனால் ஒழுக்கம் தேவை. ஒழுக்கம்,கட்டுப்பாடுடன் இருப்பவனுக்கு பக்தி தேவை இல்லை. இதுதான் என்னுடைய கருத்து. கோயிலுக்கு போக வேண்டும் என்று நான் சொல்லமாட்டேன்.கோயிலுக்கு போவதற்கான நேரம் கிடைக்கும் பொழுது நான் கோயிலுக்குச் செல்வேன். எல்லா கோயில்களுக்கும் நான் செல்வதில்லை. மனசை ஒருமுகப்படுத்துவதற்கு நாம் முயற்சி செய்து அதில் வெற்றி பெற முடியும் என்றால் அதுதான் கோயில். நீங்கள் கோயிலுக்கு போக வேண்டியது இல்லை.ஆயிரக்கணக்கானோரின் மனது, எண்ணம் ஒரு கோயிலுக்கு போய் சேரும் பொழுது அந்த இடத்திற்கு ஒரு சக்தி உண்டாகுகிறது. அதை நாம் மறுக்க முடியாது. அந்த சக்தி உண்மையா, மனப்பூர்வமாக வேண்டுபவர்களுக்கு கிடைக்கும் என்பது என்னுடைய கருத்து, கடவுள் இருக்கிறாரோ? இல்லையோ மனிதனின் மனதிற்கு ஒரு பலம் இருக்கிறது அல்லவா.
'கூகாபாரா' பறவை. ஆஸ்திரேலியா, நியூசிலாந்தில் வாழ்கிறது இதன் ஆண், பெண் இனம் ஒரேமாதிரி இருக்கும். இதன் நீளம் 41 - 47 செ.மீ. உயரம் 43 செ.மீ., வெள்ளை, அடர் பழுப்பு நிறத்தில் இருக்கும் இவை காடுகளில் வாழும். புழு, பூச்சிகளோடு, கொடிய விஷமுள்ள பாம்புகளையும் உண்ணும். அதிகாலை, மாலையில் சூரிய மறைவுக்குப் பின் இவை ஒலி எழுப்பும். இவ்வொலி மனிதர்கள் சிரிப்பது போல் இருக்கும் என்பதால் இவை 'சிரிக்கும் கூகாபாரா' என அழைக்கப்படுகிறது. ஆண் பறவையின் சராசரி எடை 307 கிராம், பெண் பறவையின் சராசரி எடை 352 கிராம்.
உத்தராகண்டின் உத்தரகாசி மாவட்டத்தில் ,சராசரி கடல்நீர்மட்டத்தில் இருந்து, 14,800 அடி உயர யமுனோத்ரி சிகரத்தில் இருந்து உற்பத்தியாகிறது, கங்கை ஆற்றின் துணைநதிகளில்ஒன்று,யமுனை.உத்தராகண்ட், ஹரியானா, டில்லி, உபி.,யில் 1376 கி.மீ., துாரம் பாய்ந்து 'கும்பமேளா' நடக்கும் உ.பி.,யின் பிரயாக்ராஜில் திரிவேணி சங்கமத்தில் கங்கை ஆற்றுடன் இணைகிறது. 5.7 கோடி பேர் இந்த ஆற்றை நம்பி உள்ளனர். டில்லியின் 70 சதவீத தண்ணீர் தேவையை பூர்த்தி செய்கிறது. ஆக்ராவில் இந்த நதிக்கரையில் தான் 'தாஜ்மஹால்' அமைந்துள்ளது. இதற்கு பல துணை நதிகள் உள்ளன .
9 தோட்டாக்களால் தாக்கப்பட்ட போதிலும் துணிச்சலுடன் போராடிய கீர்த்தி சக்ரா வெற்றியாளர் CRPF கமாண்டர் சேதன் சீதா, நாட்டின் உண்மையான ஹீரோ, ஆனால் துரதிர்ஷ்டவசமாக யாரும் அவரைப் புகழ்ந்து பேசவில்லை. ஊடகங்கள் ஏன் அமைதியாக இருக்கின்றன.
இயற்கையான பற்களை, நரம்புகள் நிறைந்த மெல்லிய திசுக்கள், தாடை எலும்புகளுடன் சேர்க்கின்றன. இந்த நரம்புகள் தான் நாம் எப்படி உண்கிறோம், பேசுகிறோம் என்பதை நிர்ணயிக்கின்றன. பற் களை இழந்தவர்களுக்குச் செயற்கை பற்களை வைப்பது அவ்வளவு சுலபமான காரிய மல்ல.இயற்கை பற்கள் விழுந்தபின் அதே இடத்தில் செயற்கையான செராமிக் பற்கள் வைப்பதற்காக தாடை எலும்பைத் துளையிட வேண்டி உள்ளது. இது வலியை உருவாக்கும்.புதிய பல்லை இயற்கையான பல் போல் உணரமுடியாது. இதற்கான தீர்வை அமெரிக்காவின்டப்ட்ஸ் பல்கலை உருவாக்கியுள்ளது.செயற்கை பல்லின் அடியில் ஸ்டெம் செல்களையும், சில விதமான புரதங்களையும் இணைத்துப் புதுமை செய்துள்ளது. இவை இரண்டும் செயற்கை பல்லை தாடை நரம்பு, எலும்பு டன் இணைய உதவுகின்றன. இந்தப் புதுமுறையில் வலி ஏற்படாது.செயற்கை பல் இயற்கைப் பல் போலவே வேலை செய்யும். எலிகள் மீது சோதித்துப் பார்த்ததில் செயற்கை பல் வைத்த 6 வாரங்களில், இயற்கை பல் போலவே அது வேலை செய்வது உறுதி செய்யப்பட்டுள்ளது. அடுத்ததாக மனிதர்கள் மீது சோதிக்கப்பட்டு விரைவில் பயன்பாட்டுக்கு வர உள்ளது.
ஜலந்தரில் ஆறு பேர் கொண்டஒரு குடும்பத்தைச் சேர்ந்தவர்கள், குளிர்சாதன பெட்டி வெடித்து இறந்தனர். விசாரணையில் குளிர்சாதன பெட்டி சுவருக்கு அருகில் வைக்கப்பட்டிருப்பது தெரியவந்தது. குளிர்சாதன பெட்டிக்கும் ,சுவருக்கும் இடையில் 3-5 அங்குல இடைவெளி தேவை. இதை உங்கள் நண்பர்களுடன் பகிர்ந்து கொள்ளுங்கள்.
, தரையில் பாதம் படும்போது ஏற்படும் விசைகளை கண்காணிக்கும் புத்தி சாலி உள்ளங்கால் பட் (Smart Insoles) பிரிட்டன் ஆய்வா ளர்கள், உருவாக்கியுள்ளனர். குறைந்த எடையும்,கம்பியில்லா உணரிகளும் கொண்ட இந்தப் பட்டைகள், விளையாட்டு வீரர்களின் செயல்திறனை மேம்படுத்தவும், நோயாளிகளின் உடல் நிலையை அறியவும் பயன்படும்.
கோடீஸ்வரரான சுனில் மிட்டலின் குடும்ப அலுவலகம், சீன நுகர்வோர் உபகரண நிறுவனமான ஹேயர் குழுமத்துடன் அதன் இந்திய பிரிவான ஹேயர் அப்ளையன்சஸ்(இந்தியா) இல் கணிசமான பங்குகளை வாங்குவதற்கான பேச்சுவார்த்தைகளை முடித்ததாக கூறப்படுகிறது. ஜூன் மாத தொடக்கத்தில் இரு தரப்பினரும் பிரத்யேக விவாதங்களில் ஈடுபட்டனர்.பாரதி குழுமத்தின் விளம்பரதாரர் ஹேயரிடமிருந்து அதிக தள்ளுபடியை எதிர்பார்க்கிறார் என்று தகவல்கள் தெரிவிக்கின்றன. பிசினஸ் ஸ்டாண்டர்டின் கூற்றுப்படி, மதிப்பீடு குறித்த கருத்து வேறுபாடுகள் மிட்டல் குடும்ப அலுவலகம் பேச்சுவார்த்தையில் இருந்து விலக வழிவகுத்தன.சீன நிறுவனமான ஹேயர் இந்தியாவில் சுமார்$2 பில்லியன் மதிப்புள்ள49% பங்குகளை வாங்குவதற்கான பேச்சுவார்த்தைகள் நடந்ததாக கூறப்படுகிறது. இருப்பினும், ஏலதாரர்கள் சுமார்$600 மில்லியனை மட்டுமே வழங்கினர்.ஹையரைப் பொறுத்தவரை, இது அதன் இந்திய பிரிவை மறுசீரமைக்கும் திட்டத்தில் ஒரு பின்னடைவைக் குறிக்கிறது. வாகன உற்பத்தியாளர்SAIC மோட்டார்MG மோட்டார் இந்தியாவுடன் செய்ததைப் போன்ற ஒரு கட்டமைப்பை அது திட்டமிட்டிருந்தது. இது பிராண்டின் பெரும்பான்மையான பங்குகளை சஜ்ஜன் ஜிண்டால் குழுமத்திற்கு விற்றது.முன்மொழியப்பட்ட ஒப்பந்தம் சீன நிறுவனங்கள் இந்தியாவில் தங்கள் இருப்பைக் குறைப்பதற்கான பரந்த போக்கின் ஒரு பகுதியாகக் கருதப்பட்டது. மே மாதத்தில், ஆண்ட் குழுமம் தொகுதி வர்த்தகங்கள் மூலம்Paytm இல் அதன்$246 மில்லியன் முதலீட்டிலிருந்து வெளியேறியது.சுனில் மிட்டலைத் தவிர, முகேஷ் அம்பானி தலைமையிலான ரிலையன்ஸ் இண்டஸ்ட்ரீஸ், டாபரின் பர்மன் குடும்பம், அமித் ஜாதியா குடும்பம் மற்றும் வெல்ஸ்பனின் பி.கே. கோயங்கா ஆகியோரின் ஆர்வத்தையும் ஹையர் ஈர்த்தது. சிட்டி ஹையருக்கு ஆலோசனை வழங்கி வாங்குபவர்களை ஆராய்ந்து வருவதாக கூறப்படுகிறது.ஆதாரங்களின்படி, ஹேயர் இந்தியா இப்போது பொதுவில் விற்பனைக்கு வருவது குறித்து பரிசீலிக்கக்கூடும் என்று செய்தித்தாள் தெரிவித்துள்ளது. தென் கொரியாவின் எல்ஜி எலக்ட்ரானிக்ஸ் மற்றும் சாம்சங்கிற்குப் பிறகு இந்தியாவில் மின்னணு சாதனங்களை விற்பனை செய்யும் மூன்றாவது பெரிய நிறுவனமாக இந்த நிறுவனம் உள்ளது. இது கடந்த 20 ஆண்டுகளாக இந்தியாவில் உள்ளது. 2024 ஆம் ஆண்டில், நிறுவனம் ₹8,900 கோடி விற்பனையை பதிவு செய்தது, இது ஆண்டுக்கு ஆண்டு 33% அதிகமாகும்.2025 ஆம் ஆண்டு காலண்டர் ஆண்டில் ₹11,500 கோடி விற்பனையை இலக்காகக் கொண்டிருந்ததாக கூறப்படுகிறது. ஒரு இந்திய பங்குதாரரின் முதலீடு இந்தியாவில் அதன் இருப்பை விரிவுபடுத்த உதவும் என்றும் எதிர்பார்க்கப்பட்டது.
