25 YEARS OF EXCELLENCE
Weather: -
Tuesday Aug 25, 2026
09:45:56pm
Weather: -
Tuesday Aug 25, 2026
09:45:56pm
உலகின் முன்னணி சொகுசு கார் தயாரிப்பு நிறுவனமான ஜெர்மனியின் BMW, பொருளாதார நெருக்கடி (Profit Pressure) மற்றும் மின்சார வாகன சந்தையில் (EV) அதிகரித்துள்ள கடும் போட்டி காரணமாக சுமார் 8,000 பணியாளர்களைப் பணிநீக்கம் செய்ய திட்டமிட்டுள்ளது.காரணங்கள்: முக்கியமாகச் சீனா சந்தையில் ஏற்பட்ட கடும் போட்டி மற்றும் உற்பத்திச் செலவு (Production Cost) அதிகரித்தது போன்றவை ஜெர்மன் வாகன உற்பத்தித் துறைக்குப் பெரிய சவாலாக மாறியுள்ளன.
ஜப்பானில் விற்பனை செய்யப்படும் பழங்கள் மற்றும் காய்கறிகளின் பெட்டிகளில், அவற்றை விளைவித்த விவசாயியின் புகைப்படம் மற்றும் விவரங்கள் இடம்பெறுகின்றன. விவசாயிகளின் உழைப்பை மதிக்கும் கலாச்சாரத்தின் வெளிப்பாடாக இது கருதப்படுகிறது.
சிங்கப்பூரில் இருந்து அமெரிக்காவின் நியூயார்க் வரை இயக்கப்படும் நேரடி விமான சேவையே உலகின் மிக நீண்ட இடைவிடாத விமானப் பயணமாகும்.Airbus A350-900ULR விமானம் மூலம் இயக்கப்படும் இந்த சேவை, 15,349 கி.மீ. தூரத்தை சுமார் 18 மணி 40 நிமிடங்களில் எந்த இடத்திலும் தரையிறங்காமல் கடக்கிறது. பல நேர மண்டலங்களையும் பெருங்கடல்களையும் தாண்டும் இந்த சேவை, நவீன விமானப் போக்குவரத்தின் குறிப்பிடத்தக்க சாதனையாக கருதப்படுகிறது.
அமெரிக்காவின் டெக்சாஸ் மாகாணத்தில் சுமார் ₹1.61 லட்சம் கோடி முதலீட்டில் பிரம்மாண்ட AI Chip ஆலை அமைக்க எலான் மஸ்க் திட்டமிட்டுள்ளதாக தகவல் வெளியாகியுள்ளது.டெஸ்லா ரோபோக்கள் மற்றும் ஸ்பேஸ்எக்ஸ் நிறுவனத்தின் தரவு மையங்களுக்குத் தேவையான சிப்களை தயாரிப்பதே இதன் முக்கிய நோக்கமாக இருக்கும் என கூறப்படுகிறது.
பசிபிக் பெருங்கடல் தொடர்ந்து சுருங்கி வருவதாகவும், இன்னும் 20 முதல் 30 கோடி ஆண்டுகளுக்குள் அது முழுமையாக மூடப்பட வாய்ப்புள்ளதாகவும் ஆஸ்திரேலிய ஆய்வாளர்கள் தெரிவித்துள்ளனர்.அவ்வாறு பசிபிக் பெருங்கடல் மூடப்பட்டால், அமெரிக்கா மற்றும் ஆசியா ஒன்றோடொன்று இணைந்து ‘அமெசியா’ என்ற புதிய சூப்பர் கண்டம் உருவாகலாம் என ஆய்வுகள் தெரிவிக்கின்றன.ஆஸ்திரேலியாவும் தற்போது ஆண்டுக்கு சுமார் 7 செ.மீ. வேகத்தில் ஆசியாவை நோக்கி நகர்ந்து வருவது குறிப்பிடத்தக்கது.
சிங்கப்பூரின் Tuas Port சரக்குப் போக்குவரத்தில் புதிய சாதனை படைத்துள்ளது.2022-ம் ஆண்டு செப்டம்பர் மாதம் செயல்படத் தொடங்கிய PSA Tuas Port, இதுவரை 25 மில்லியன் TEU சரக்குகளைக் கையாண்டுள்ளது.TEU என்பது 20 அடி நீளமுள்ள ஒரு கண்டெய்னரைக் குறிக்கும் அளவீடு. அதாவது, 2.5 கோடி 20 அடி கண்டெய்னர்களுக்கு சமமான சரக்குகள் இங்கு கையாளப்பட்டுள்ளன.உலகின் மிகப்பெரிய முழுமையாக தானியங்கும் கண்டெய்னர் முனையமாக விளங்கும் Tuas Port, திறமையான மற்றும் தடையற்ற சரக்குப் போக்குவரத்துக்கான முக்கிய மையமாக செயல்பட்டு வருகிறது.தற்போது 14 பெர்த்கள் செயல்பாட்டில் உள்ள நிலையில், அடுத்த ஆண்டுக்குள் இந்த எண்ணிக்கை 18 ஆக அதிகரிக்கப்படும் என தெரிவிக்கப்பட்டுள்ளது.2040-களில் ஆண்டுக்கு 65 மில்லியன் TEU சரக்குகளைக் கையாளும் வகையில் துறைமுகம் விரிவுபடுத்தப்பட உள்ளது.
மெல்போர்னிலிருந்து டூலூஸ் வரை 24 மணி 24 நிமிடங்கள் நீடித்த சோதனைப் பயணத்தை Airbus A350-1000ULR வெற்றிகரமாக நிறைவு செய்தது. இந்தப் பயணம் நீண்ட தூர விமான சேவைக்கான முக்கிய மைல்கல்லாக பார்க்கப்படுகிறது.
சீன மகாயான பௌத்த மரபில் Wei Tuo (வேய் துவோ) என்ற பாதுகாவலர் தெய்வம் வழிபடப்படுகிறார். சிலர் இதை இந்திய மரபுகளுடன் ஒப்பிடுகின்றனர். ஆனால் அவர் முருகனே என்பது வரலாற்று ரீதியாக உறுதிப்படுத்தப்படவில்லை.
ஜப்பான் விஞ்ஞானிகள் உருவாக்கிய புதிய வகை பிளாஸ்டிக், கடல்நீரில் சில மணி நேரங்களிலேயே கரையும் தன்மை கொண்டது. இது மைக்ரோபிளாஸ்டிக் துகள்களை உருவாக்காது. மாறாக, கடல் நுண்ணுயிரிகளால் இயற்கையாக சிதைக்கப்படும் பாதுகாப்பான பொருட்களாக மாறுகிறது.
சவுதி அரேபியாவின் தம்மாம் நகருக்கு அருகே அமைந்துள்ள கிங் ஃபஹ்த் சர்வதேச விமான நிலையம், சுமார் 776 சதுர கிலோமீட்டர் பரப்பளவுடன் உலகின் மிகப்பெரிய விமான நிலையமாக திகழ்கிறது. இதன் பரப்பளவு பல நகரங்களை விட அதிகமாக இருப்பது குறிப்பிடத்தக்கது.
