25 YEARS OF EXCELLENCE
Weather: -
Friday Nov 06, 2026
03:13:45am
Weather: -
Friday Nov 06, 2026
03:13:45am
ஜப்பானில் வரும் செப்டம்பர் 19 முதல் அக்டோபர் 4 வரை நடைபெறவுள்ள ஆசிய விளையாட்டுப் போட்டிகளுக்கான இந்திய மகளிர் கிரிக்கெட் அணி அறிவிக்கப்பட்டுள்ளது. (மகளிர் கிரிக்கெட் போட்டிகள் செப். 17-22 தேதிகளில் நடைபெறுகின்றன).கேப்டன்: டி-20 உலகக் கோப்பையில் லீக் சுற்றுடன் இந்தியா வெளியேறிய போதிலும், ஹர்மன்பிரீத் கவுர் கேப்டனாக நீடிக்கிறார்.கமலினிக்கு வாய்ப்பு: உலகக் கோப்பை தொடரில் சொதப்பிய விக்கெட் கீப்பர் யஸ்திகாவிற்குப் பதிலாக, தமிழகத்தைச் சேர்ந்த 17 வயது இளம் வீராங்கனை கமலினி மாற்று விக்கெட் கீப்பராக அணியில் சேர்க்கப்பட்டுள்ளார்.இந்திய அணி: ஹர்மன்பிரீத் கவுர் (கேப்டன்), ஸ்மிருதி மந்தனா, ஷைபாலி, ஜெமிமா, தீப்தி, ரிச்சா, கமலினி, பார்தி, ஸ்ரீ சரனி, ரேணுகா, கிராந்தி, அருந்ததி, ஷ்ரேயாங்கா, ராதா, நந்தனி.
அமெரிக்காவில் நடைபெற்ற 'சூப்பர் 300' அந்தஸ்து பெற்ற யு.எஸ். ஓபன் பாட்மின்டன் தொடரில் இந்தியாவின் ஸ்ரீகாந்த் ரன்னர்-அப் பட்டம் வென்றார்.ஆண்கள் ஒற்றையர் பிரிவு இறுதிப்போட்டியில் உலக தரவரிசையில் 38-வது இடத்தில் உள்ள 33 வயதான ஸ்ரீகாந்த், சீன தைபேயின் சு லியாங்கை எதிர்கொண்டார்.முதல் செட்டை 15-21 என இழந்த ஸ்ரீகாந்த், இரண்டாவது செட்டில் 21-16 என வென்று சமநிலையை ஏற்படுத்தினார். ஆனால் தீர்மானிக்கும் மூன்றாவது செட்டில் 9-21 என போராடி தோல்வியடைந்தார்.ஒரு மணி நேரம் ஒரு நிமிடம் நீடித்த இந்தப் போட்டியில் 15-21, 21-16, 9-21 என்ற செட் கணக்கில் தோற்ற ஸ்ரீகாந்த், வெள்ளிப் பதக்கத்தை கைப்பற்றினார்.
ஜார்ஜியாவில் சர்வதேச செஸ் கூட்டமைப்பு (FIDE) சார்பில் நடைபெற்ற ஜூனியர் உலகக் கோப்பை செஸ் தொடரில் இந்திய வீராங்கனை திவி பிஜேஷ் தங்கப் பதக்கம் வென்றார்.8, 10 மற்றும் 12 வயதுக்குட்பட்ட ஆறு பிரிவுகளில் நடைபெற்ற இத்தொடரில், 12 வயதுக்குட்பட்ட பெண்கள் பிரிவில் 90 பேர் பங்கேற்றனர்.11 சுற்றுகள் முடிவில் 9 புள்ளிகள் பெற்ற திவி பிஜேஷ் முதலிடம் பிடித்து சாம்பியன் பட்டம் கைப்பற்றினார்.தமிழகத்தின் ஷர்வானிகா 8 புள்ளிகளுடன் 5-வது இடத்தைப் பிடித்தார். 10 வயது ஓபன் பிரிவில் இந்தியாவின் சர்பர்தோ மானி, சாத்வித் சவின் ஆகியோர் வெள்ளி மற்றும் வெண்கலப் பதக்கங்களை வென்றனர். 8 வயது பெண்கள் பிரிவில் சயாஸ்தா சிங் வெண்கலப் பதக்கத்தை கைப்பற்றினார்.
இத்தாலியில் நடைபெற்ற உலக யூத் செஸ் சாம்பியன்ஷிப் தொடரில் இந்தியாவின் பிரதிதீ போர்டோலோய் வெள்ளிப் பதக்கம் வென்றார்.18 வயதுக்குட்பட்ட பெண்கள் பிரிவில் 104 வீராங்கனைகள் பங்கேற்றனர். இந்தியா சார்பில் பிரதிதீ போர்டோலோய், சரண்யா தேவி உள்ளிட்டோர் களமிறங்கினர்.11 சுற்றுகளில் 7 வெற்றிகளும், 4 டிராக்களும் பெற்ற பிரதிதீ, ஒரு போட்டியிலும் தோல்வியடையாமல் 9 புள்ளிகளுடன் இரண்டாவது இடத்தைப் பிடித்து வெள்ளிப் பதக்கத்தை கைப்பற்றினார்.
இங்கிலாந்தின் லண்டனில் நடைபெற்று வரும் விம்பிள்டன் கிராண்ட்ஸ்லாம் டென்னிஸ் தொடரில் அமெரிக்காவின் ஜெசிகா பெகுலா மற்றும் சுவிட்சர்லாந்தின் பெலிண்டா பென்சிக் இரண்டாவது சுற்றுக்கு முன்னேறினர்.பெண்கள் ஒற்றையர் முதல் சுற்றில் ஜெசிகா பெகுலா, செக் குடியரசின் டார்ஜா விட்மனோவாவை 7-5, 6-3 என்ற நேர் செட் கணக்கில் வீழ்த்தினார்.மற்றொரு போட்டியில் பெலிண்டா பென்சிக், பிரிட்டனின் மிகாஸ்டோஜ் சாவ்ல்ஜெவிக்கை 6-2, 6-1 என்ற கணக்கில் எளிதாக வென்றார்.மேலும், லாட்வியாவின் ஜெலினா ஆஸ்டபென்கோ, சீனாவின் ஜின்யு வாங், ஜெர்மனியின் மரியா டாட்ஜனா மற்றும் அமெரிக்காவின் இவா ஜோவிச் ஆகியோரும் வெற்றி பெற்று அடுத்த சுற்றுக்குத் தகுதி பெற்றனர்.அதேவேளை, கனடாவின் பியான்கா ஆண்ட்ரீஸ்கு, சீனாவின் ஷுவாய் ஜாங்கிடம் 6-7, 6-7 என்ற நேர் செட்களில் தோல்வியடைந்து வெளியேறினார்.ஆண்கள் ஒற்றையர் முதல் சுற்றில் அமெரிக்காவின் டாமி பால், பிரான்சின் அலெக்சாண்டர் முல்லரை 6-1, 6-2, 6-1 என்ற கணக்கில் வீழ்த்தி அடுத்த சுற்றுக்குள் நுழைந்தார்.
அமெரிக்காவில் நடைபெற்று வரும் 'சூப்பர் 300' அந்தஸ்து பெற்ற யு.எஸ்., ஓபன் பாட்மின்டன் தொடரின் ஆண்கள் ஒற்றையர் அரையிறுதியில், இந்தியாவின் ஸ்ரீகாந்த், ஜப்பானின் யுடாய் ஓகிமோட்டோவை எதிர்கொண்டார். கடும் போராட்டத்துக்குப் பிறகு 22-20, 15-21, 21-19 என்ற செட் கணக்கில் வெற்றி பெற்ற அவர், பைனலுக்கு முன்னேறினார்.மற்றொரு அரையிறுதியில் இந்தியாவின் ரவுனக் சவுகான், சீன தைபேயின் லி யங் சுவிடம் 17-21, 19-21 என்ற நேர் செட்களில் தோல்வியடைந்து வெளியேறினார்.பெண்கள் ஒற்றையர் அரையிறுதியில் இந்தியாவின் தேவிகா சிஹாக், டென்மார்க்கின் லைன் கிறிஸ்டோபர்சனிடம் 21-15, 11-21, 15-21 என்ற கணக்கில் போராடி தோல்வியடைந்தார்.
இங்கிலாந்தின் லண்டனில் 139-வது விம்பிள்டன் கிராண்ட்ஸ்லாம் டென்னிஸ் தொடர் இன்று தொடங்குகிறது. ஆண்கள் ஒற்றையரில் இத்தாலியின் ஜானிக் சின்னர், ஜெர்மனியின் அலெக்சாண்டர் ஸ்வெரேவ், செர்பியாவின் நோவக் ஜோகோவிச் ஆகியோர் பட்டத்துக்கான முக்கிய போட்டியாளர்களாக உள்ளனர்.நடப்பு சாம்பியனான சின்னர் மீண்டும் கோப்பையை வென்றால் தனது 5-வது கிராண்ட்ஸ்லாம் பட்டத்தை கைப்பற்றுவார். ஜோகோவிச் சாம்பியனானால் சாதனை 25-வது கிராண்ட்ஸ்லாம் பட்டத்தை வெல்வார். பிரெஞ்ச் ஓபன் சாம்பியனான ஸ்வெரேவ், முதல் விம்பிள்டன் பட்டத்தை நோக்கி களமிறங்குகிறார். ஸ்பெயினின் கார்லோஸ் அல்காரஸ் காயம் காரணமாக தொடரில் இருந்து விலகியுள்ளார்.பெண்கள் ஒற்றையரில் 4 ஆண்டுகளுக்குப் பிறகு மீண்டும் விம்பிள்டனில் களமிறங்கும் அமெரிக்காவின் செரினா வில்லியம்ஸ் மீது ரசிகர்களின் கவனம் திரும்பியுள்ளது. முதல் சுற்றில் அவர் ஆஸ்திரேலியாவின் மாயாவை சந்திக்கிறார். அரினா சபலென்கா, எலினா ரிபாகினா, நடப்பு சாம்பியன் இகா ஸ்வியாடெக், ஜெசிகா பெகுலா, அமண்டா அனிசிமோவா, கோகோ காப் உள்ளிட்டோரும் பட்டம் வெல்லும் வாய்ப்பில் உள்ளனர்.ஆண்கள், பெண்கள் ஒற்றையர் பிரிவுகளில் சாம்பியன் பட்டம் வெல்லும் வீரர் மற்றும் வீராங்கனைக்கு தலா ரூ.44.80 கோடி பரிசுத்தொகை வழங்கப்பட உள்ளது.
2026 ஃபிஃபா உலகக் கோப்பை கால்பந்து தொடரின் குரூப் 'எப்' பிரிவு லீக் ஆட்டத்தில், ஜெர்மனியை 2-1 என்ற கோல் கணக்கில் வீழ்த்தி ஈக்வடார் அணி வரலாற்றுச் சாதனை படைத்தது.போட்டி தொடங்கிய சில நிமிடங்களிலேயே ஜெர்மனியின் லெராய் சானே கோல் அடித்து அணியை முன்னிலைப்படுத்தினார். ஆனால் அதன்பின் ஆட்டத்தின் போக்கை முழுமையாக மாற்றிய ஈக்வடார், நில்சன் அங்குலோ மற்றும் கொன்சாலோ பிளாட்டா ஆகியோரின் கோல்களால் பதிலடி கொடுத்து வெற்றியை வசப்படுத்தியது.இந்த வெற்றியின் மூலம் ஈக்வடார் நாக்-அவுட் சுற்றுக்கான இடத்தை உறுதி செய்தது. ஏற்கனவே அடுத்த சுற்றுக்கு தகுதி பெற்றிருந்த ஜெர்மனிக்கு, இது எதிர்பாராத தோல்வியாக அமைந்தது. உலகக் கோப்பை வரலாற்றில் ஈக்வடார் பெற்ற முக்கியமான வெற்றிகளில் இதுவும் ஒன்றாகப் பார்க்கப்படுகிறது.
2026 உலகக் கோப்பை கால்பந்து தொடரின் 'ஜெ' பிரிவு லீக் ஆட்டத்தில், நடப்பு சாம்பியன் அர்ஜென்டினா 3-1 என்ற கோல் கணக்கில் ஜோர்டானை வீழ்த்தி தொடர்ச்சியாக மூன்றாவது வெற்றியைப் பதிவு செய்தது.அமெரிக்காவின் டல்லாஸ் நகரில் நடைபெற்ற இந்த ஆட்டத்தில், ஏற்கனவே நாக்-அவுட் சுற்றுக்கு தகுதி பெற்றிருந்ததால் கேப்டன் லயோனல் மெஸ்சிக்கு ஓய்வு அளிக்கப்பட்டது. இருப்பினும், அர்ஜென்டினா வீரர்கள் தொடக்கம் முதல் ஆதிக்கம் செலுத்தி, பந்தை சுமார் 70 சதவீத நேரம் தங்கள் வசமே வைத்திருந்தனர். இறுதியில் 3-1 என்ற கோல் கணக்கில் வெற்றி பெற்று, குரூப் சுற்றை வெற்றிகரமாக நிறைவு செய்தனர்.
அயர்லாந்துக்கு சுற்றுப்பயணம் மேற்கொண்டுள்ள இந்திய கிரிக்கெட் அணி, இரண்டு போட்டிகள் கொண்ட 'டி-20' தொடரில் பங்கேற்று விளையாடி வருகிறது. இதற்கான முதலாவது போட்டி நேற்று பெல்பாஸ்ட் நகரில் நடைபெற்றது. இப்போட்டியில் டாஸ் வென்ற இந்திய அணியின் கேப்டன் ஸ்ரேயாஸ் ஐயர், முதலில் பந்துவீச்சை (பீல்டிங்) தேர்வு செய்தார்.முதலில் பேட்டிங் செய்த அயர்லாந்து அணி, இந்திய அணியின் பந்துவீச்சை எதிர்கொண்டு நிர்ணயிக்கப்பட்ட 20 ஓவர்களில் 9 விக்கெட் இழப்பிற்கு 182 ரன்கள் குவித்து அசத்தியது.183 ரன்கள் எடுத்தால் வெற்றி என்ற சவாலான இலக்குடன் களமிறங்கிய இந்திய அணிக்கு ஆரம்பம் முதலே அதிர்ச்சி காத்திருந்தது. அயர்லாந்து அணியின் துல்லியமான பந்துவீச்சை சமாளிக்க முடியாமல் தடுமாறிய இந்திய அணி, 18.5 ஓவர்களிலேயே அனைத்து விக்கெட்டுகளையும் இழந்து 148 ரன்களுக்கு சுருண்டது. இதன் மூலம் 34 ரன்கள் வித்தியாசத்தில் அயர்லாந்து அணி அபார வெற்றி பெற்றதுடன், தொடரிலும் 1-0 என்ற கணக்கில் முன்னிலை வகிக்கிறது. இப்போட்டியில் சிறப்பான ஆட்டத்தை வெளிப்படுத்திய அயர்லாந்து அணியின் ஹாலார்ட் ஆட்டநாயகனாகத் தேர்வு செய்யப்பட்டார்.
