25 YEARS OF EXCELLENCE
Weather: -
Saturday Nov 07, 2026
10:56:21pm
Weather: -
Saturday Nov 07, 2026
10:56:21pm
12வது சீசன்உலக விளையாட்டு சீனாவில் ,இந்தியா சார்பில் 17 பேர்(10 வீரர்,7 வீராங்கனை), வில்வித்தை, பில்லியர்ட்ஸ், ராக்கெட்பால், ஸ்பீடு ஸ்கேட்டிங், உஷு என 5 வகையான விளையாட்டில் பங்கேற்கின்றனர்.இந்தியாவின் நம்ரதா பத்ரா, பெண்களுக்கான உஷூ போட்டி,'சாண்டா'52 கி.கி., பிரிவில், பைனலுக்கு முன்னேறினார். நேற்று நடந்த பைனலில், நம்ரதா, சீனாவின் மெங்யூ செனை சந்தித்தார். இதில் நம்ரதா 0/2 என தோற்க, வெள்ளிப்பதக்கம் கிடைத்தது. இதையடுத்து உலக விளையாட்டு உஷூ போட்டியில் பதக்கம் வென்ற முதல் இந்திய நட்சத்திரம் என சாதனை படைத்தார்.ஸ்பீடு ஸ்கேட்டிங் போட்டி யில், ஆண்களுக்கான அரையிறுதி முதல் 'ஹீட்டில்' இந்தியாவின் ஆர்யன்பால், 34.849 புள்ளியுடன் நான்காவது இடம் பிடித்து பதக்க வாய்ப்பை இழந்தார்.
கிராண்ட் மாஸ்டர்ஸ் செஸ் தொடர் சென்னையில், சாலஞ்சர்ஸ் பிரிவில் 10 இந்திய நட்சத்திரங்கள் விளையாடுகின்றனர்.நேற்று ஆறாவது சுற்று போட்டிகள் நடந்தன. இதில் ஹரிகாவைஷாலி மோதினர். ஹரிகா,80வது நகர்த்தலில் வெற்றி பெற்றார்.மற்றொரு போட்டியில் அபிமன்யு புரானிக், பிரனேஷை சந்தித்தார். தொடர்ச்சியாக 4 வெற்றி பெற்ற அபிமன்யு, இம்முறை46வது நகர்த்தலில் தோல்வி யடைந்தார். அதிபன்பாஸ்கரன், திப்தயனை வென்றார். 4.5 புள்ளியுடன் பிரனேஷ் முதலிடத்துக்கு முன்னேறினார். அபிமன்யு (4.5 புள்ளி, 4 வெற்றி, 1 தோல்வி, 1 'டிரா') அடுத்து உள்ளார். இந்தியாவின் அர்ஜூன், மாஸ்டர்ஸ் பிரிவில், ஜெர்மனியின் வின்சென்ட்டை எதிர் கொண்டார்.
இந்தியாவின் உலக பாரா 'எலைட்' டேபிள் டென்னிஸ் தொடர்அமெரிக்காவின் வாஷிங்டனில் பெண்கள் ஒற்றையரில் பவினா பென் படேல், அரையிறுதியில் பிரிட்டனின் மேஹன் ஷாக்லெட்டனை 30 எனவென்றார். அடுத்து நடந்த பைனலில் பவினா பென், இஸ்ரேலின் கரோலினை சந்தித்தார்.முதல் செட்டை பவினா 11-4 ,2 வது செட்டில் 11-4 , மூன்றாவது செட்டில் பவினா, 11-5 என வென்றார். முடிவில் 3-0 என்ற கணக்கில் வெற்றி பெற்று, தங்கப்பதக்கம் கைப்பற்றினார்.இந்தியாவின் பவினா பென், சுபம் ஜோடி, கலப்பு இரட்டையர் பிரிவு லீக் போட்டியில், பிரேசிலின் பிராகா, சுலோவாகியாவின் போரிஸ் ஜோடியை சந்தித்தது. இதில் இந்திய ஜோடி 3-0 என (12-10, 11-8, 11-9) வெற்றி பெற்றது.
உலக விளையாட்டு 12வது சீசன்சீனாவில் நடக்கிறது. இந்தியா சார்பில் 17 பேர்(10 வீரர்,7 வீராங்கனை), வில்வித்தை, பில்லியர்ட்ஸ், ராக்கெட் பால், ஸ்பீடு ஸ்கேட்டிங், உஷு என 5 வகையான விளையாட்டில் பங்கேற்கின்றனர்.பெண்கள் உஷூ போட்டிக்கான 'சாண்டா'52 கி.கி., பிரிவு அரை யிறுதியில் இந்தியாவின் நம்ரதா பத்ரா, பிலிப்பைன்சின் கிரிசான் பெய்த் கொலாடோ மோதினர். இதில் நம்ரதா 2-0 என்ற கணக்கில் வெற்றி பெற்று பைனலுக்கு முன்னேறினார். இம்முறை இந்தியாவுக்கு 2வது பதக்கத்தை உறுதி செய்தார். நம்ரதா, சீனாவின் மெங்யூ சென் இன்று நடக்கும் பைனலில் மோதுகின்றனர்.
துாரந்த் கோப்பை கால்பந்துஇந்தியாவில், 134வது சீசன் நடக்கிறது. மொத்தம் 24 அணிகள்,6 பிரிவுகளாக லீக் சுற்றில்விளையாடுகின்றன.'சி' பிரிவு லீக் ஜார்க்கண்ட் மாநிலம் ஜாம்ஷெட்பூரில் நடந்த போட்டியில் இந்திய ராணுவம், லடாக் அணிகள் மோதின. இந்திய ராணுவ அணி 4-2 என்ற கோல் கணக்கில் வெற்றி பெற்றது.
22 வயதுக்குட்பட்டோருக்கான ஆசிய குத்துச்சண்டை சாம்பியன்ஷிப் தொடர் தாய்லாந்தில்,பெண்களுக்கான 80+ கி. கி. எடைப்பிரிவு பைனலில் இந்தியாவின் ரித்திகா 4-1 என்ற கணக்கில் கஜகஸ்தானின் அசெல்டோக்டாசினை வென்று தங்கப்பதக்கத்தை கைப்பற்றினார். இந்தியாவின் யாத்ரி படேல் பெண்களுக்கான 57 கி.கி., பிரிவு பைனலில் 2-3 என, உஸ்பெகிஸ்தானின் குமோரபோனு மாமஜோனோவாவிடம் தோல்வியடைந்து வெள்ளி வென்றார்.மற்றொரு பைனலில் (60 கி.கி.,) இந்தியாவின் பிரியா 2-3 என சீனாவின் யூ டியானிடம் தோல்வியடைந்து வெள்ளிப் பதக்கத்தை கைப்பற்றினார். இந்தியாவின் நீரஜ் ஆண்களுக்கான 75 கி.கி., பிரிவு பைனலில் உஸ்பெகிஸ்தானின் ஷவ்கட்ஜோன் போல்டேவிடம் தோல்வியடைந்து வெள்ளி வென்றார். மற்றொரு பைனலில் (90+ கி.கி.,) இந்தியாவின் இஷான் கடாரியா, உஸ்பெகிஸ்தானின் கலிம்ஜோன் மாமாசோலியேவிடம் வீழ்ந்தார்.22 வயதுகுட்பட்டோர் பிரிவில் ஒரு தங்கம், 4 வெள்ளி, 8 வெண்கலம் என 13 பதக்கங்கள் வென்ற இந்தியா 4வது இடம் பிடித்தது. இதன் 19 வயதுகுட்பட்டோர் பிரிவில் இந்தியாவுக்கு 3 தங்கம், 7 வெள்ளி, 4 வெண்கலம் என, 14 பதக்கங்கள் கிடைத்திருந்ததன.
ஆசிய ரக்பி செவன்ஸ் சாம்பியன்ஷிப் (20 வயதுக்குட்பட்ட) தொடர் பீஹாரில் ,லீக் சுற்றில் இந்திய பெண்கள் அணி 'டி' பிரிவில் இடம் பெற்றது. லீக் சுற்றில் இந்திய பெண்கள் அணி (7 புள்ளி) அரையிறுதிக்கு முன்னேறியது. 'சீ' பிரிவில் முதலிடம் பெற்ற சீனாவை எதிர் கொண்டது. இதில் 7-28 என்ற புள்ளிக்கணக்கில் தோல்வியடைந்தது.இந்தியா, உஸ்பெகிஸ்தான் அணிகள் மோதின. இதில் 12-5 என வெற்றி பெற்ற இந்திய பெண்கள் அணி, வெண்கலப் பதக்கம் கைப்பற்றியது. 'ஏ' பிரிவில் இந்திய ஆண்கள் அணி லீக் சுற்றில் (3ல் 1 வெற்றி, 2 தோல்வி, 5 புள்ளி) 3வது இடம் பிடித்து பதக்க வாய்ப்பை இழந்தது. 5-6வது இடத்துக்கான போட்டியில் 19-24 என கஜகஸ்தானிடம் தோற்று, 6வது இடம் பிடித்தது.
பெண்களுக்கான 13வது உலக கோப்பை தொடர் இந்தியா, இலங்கையில் (50 ஓவர், செப்.30-நவ.2) நடக்க உள்ளது. இந்தியா, ‘ஆஸ்திரேலியா, இங்கிலாந்து உட்பட 8 அணிகள் பங்கேற்கின்றன. பெங்களூரு சின்னசாமி மைதானத்தில் நடக்கும் முதல் போட்டியில் (செப்.30) இந்திய அணி, இலங்கை பங்கேற்கிறது. உலக கோப்பைக்கு முன் சொந்த மண்ணில் ஆஸ்திரேலியாவுக்கு எதிராக 3 ஒருநாள் போட்டிகளில் பங்கேற்க உள்ளோம். இதில் சிறப்பாக செயல்படும் பட்சத்தில், தன்னம்பிக்கை அதிகரிக்கும். "இந்திய வீராங்கனைகளின் அணுகுமுறையில் மாற்றம் ஏற்பட்டுள்ளது. ஒட்டுமொத்த அணியும் கடின பயிற்சியின் அவசியத்தை உணர்ந்துள்ளோம். உலக கோப்பை போட்டிக்கு சிறப்பான முறையில் தயாராகி வருவதாக, மந்தனா கூறினார்.
மாமல்லபுரம் கடற்கரையில், ஆசிய 'சர்பிங்' (அலைச்சறுக்கு) சாம்பியன் ஷிப் போட்டி நடக்கிறது. ஆண்களுக்கான ஓபன் பிரிவு பைனலில்.நேற்று இந்தியாவின் ரமேஷ் புதிஹல் பங்கேற்றார்.இதில் 12.60 புள்ளிகளுடன் 3வது இடம் பிடித்த ரமேஷ், வெண்கலம் வென்றார். இதன் மூலம் ஆசிய அலைச்சறுக்கு போட்டியில் பதக்கம் வென்ற முதல் இந்தியர் என்ற வரலாறு படைத்தார்.
நேஷனல் சூப்பர் கிராஸ் சாம்பியன்ஷிப்,எம்.ஆர்.எப்., நிறுவனத்தின் 'எம்.ஆர்.எப்., ரேசிங், காட் ஸ்பீடு' சார்பில், , 2025க்கான இரண்டாம் சுற்று, பைக் ரேஸ், கோவை, கொடிசியா மைதானத்தில் நடந்தது. 'டர்ட் ரேஸ்' எனப்படும் இந்த பந்தயத்தில், ஆங்காங்கே மண் மேடுகள் அமைக்கப்பட்டு போட்டி நடத்தப்பட்டது. பல்வேறு மாநிலங்களை சேர்ந்த, 65 வீரர்கள், ஏழு வீராங்கனைகள், ஆறு சிறுவர், சிறுமியர் பங்கேற்றனர். 'மோட்டோ கிராஸ் ஓபன் கேட்டகிரி', 10 வயதுக்கு உட்பட்டோர், 15 வயதுக்கு உட்பட்டோர் என, எட்டு பிரிவுகளாக நடத்தப்பட்ட போட்டியில், வீரர்கள் திறமையை வெளிப்படுத்தினர்.வீரர்கள் மண் மேடுகளை தாண்டி விண்ணில் 'பறந்து' சாகசம் புரிந்தனர். ஒவ்வொரு போட்டிக்கும், ஒன்பது சுற்றுகள் வீதம் நிர்ணயிக்கப்பட்ட சூழலில், அரங்கத்தில் நிறைந்திருந்த பார்வை யாளர்களை பரவசப்படுத் தியது.'முதல் சுற்று புனேவிலும், இரண்டாம் சுற்று கோவையிலும் முடிந்த நிலையில், அடுத்த சுற்றுப் போட்டி குஜராத்தில் நடத் தப்படும். போட்டி ஒருங்கிணைப்பாளர்கள் அடுத்தடுத்து, ஆறு சுற்றுகள் நடத்தப் பட்டு, புள்ளிகள் அடிப்படையில் தேசிய சாம்பியன் அறிவிக்கப்படுவார்' என கூறினர்.
